Xernisa xanim: tebi'iy muhitning perzentlerning ösüp yitilishige bolghan tesiri we ana tilimiz

Uyghurlar 1984 - yilidin bashlap yaponiyege oqush we tetqiqat ishliri bilen kélishke bashlighandin tartip ta hazirghiche köpligen Uyghurlar yaponiyening herqaysi jayliridiki aliy mekteplerde oxshimighan kesplerde zor utuqlarni qazanmaqta.

Mana shulardin biri xernisa yasin 2001 - yilidin bashlap özining tirishchanliqi we méhnetkeshliki bilen, kichikidin tartip özining oqush arzusi bolghan balilar ma'arip kespide yaponiyediki nopuzluq pidagokika uniwérsitétlardin biri bolghan fuku'oka pidagokika uniwérsitéti ma'arip fakultétining yesli ma'aripi kespi boyiche aspirantliqni püttürüp, balilar ma'aripi, yesli terbiyisi kespide yenimu ilgiriligen halda tetqiqat élip barmaqta.

Xernisa yasin özining yaponiyediki kishilik turmush hayatida tiriship - tirmiship ishlesh bilen birge, a'ilisige we perzentlirige illiqliq yaritip bériwatqan, öz kespide harmay algha ilgirlewatqan, mihnetkesh balilar terbiyichiliridin biri. U, bügün dunya ana til küni munasiwiti bilen téléfon ziyaritimizni qobul qilip, özining Uyghur élining qeshqer, aqsu, atush we ürümchi qatarliq sheherliride élip barghan tetqiqatidiki Uyghur yesli ma'aripida saqliniwatqan bezi mesililer we shundaqla muhajirettiki Uyghurlarning perzentlerge ana tilni qandaq ögitish, milliy örp - adet we diniy étiqad jehette balilargha qandaq shekilde terbiye élip bérishtek bir qatar mesililer üstide söhbette boldi.

Nöwette diqqitinglar xernisa yasin bilen élip bérilghan söhbet programmisida bolghay.

Awaz ulinishidin tepsilatini anglang.