10-Nöwetlik "Dunya sherqiy türkistanliqlar qérindashliq uchirishish" yighini échilidu

Ixtiyari muxbirimiz arslan tash
2018-07-20
Élxet
Pikir
Share
Print
Bu qétim ötküzülmekchi bolghan qérindashlar uchrishish yighinining élani
Bu qétim ötküzülmekchi bolghan qérindashlar uchrishish yighinining élani
RFA/Arslan

Sherqiy türkistan ma'arip we hemkarliq jem'iyitining uyushturushi bilen her yili bir qétim ötküzülüp kéliwatqan, "Dunya sherqiy türkistanliqlar qérindashliq uchrishishi" yighinining 10 - nöwetliki bu yil 7 - ayning 22 - künidin 26 - künigiche istanbulda ötküzülidiken. Bu qétimqi yighin'gha "Sherqiy türkistan milliy birlik  shurasi" dep nam bérilgen bolup, bu yighinda asasliqi "Sherqiy türkistan xelqi xelqi nöwette düch kéliwatqan mesililer", "Xitayning assimilyatsiye siyasitining arqa körünüshi", "Sherqiy türkistan istratégiyesi", "Sherqiy türkistan teshkilatlarning özgermes pirinsipliri", "Ortaq heriket qilish we chüshenche hasil qilish", "Kelgüsi ish pilanliri", "Chiqish yol xeritisi we chare - tedbirliri" toghrisida ilmiy maqalilar oqulidiken, bes munazire hem muzakire élip bérilidiken.

Bu uchrishish yighinigha, amérika, yawropa elliri, ottura asiya we ottura sherq döletliride yashawatqan Uyghur pa'aliyetchiler, Uyghur teshkilat rehberliri, tetqiqatchilar, doktur, proféssorlar, tetqiqatchilar, dini alimlar we ziyaliylar teklip qilin'ghan.

Yighinning teyyarliq basquchi munasiwiti bilen 7 - ayning 20- küni sherqiy türkistan ma'arip we hemkarliq jem'iyitining idare hey'et rehberliri bir yighin échip, 10 - nöwetlik dunya sherqiy türkistanliqlar qérindashliq uchrishish yighinning teyyarliq basquchlirini közdin kechürdi we yighinning muweppeqiyetlik ötküzülüshi üchün, yighin tertipliri, amanliq tedbirliri, méhmanlarni kütüsh we orunlashturush qatarliq muhim noqtilar toghrisida muzakire élip bardi.

Sherqiy türkistan ma'arip we hemkarliq jem'iyitining re'isi hidayetulla oghuzxanning bildürüshiche, 5 kün dawam qilidighan bu yighin, 7- ayning 22- küni yekshenbe sa'et 10:00 - 14:00 arisi istanbulning fatih rayonidiki eli amiri kültür we sen'et merkizi yighin zalida échilish murasimi bilen bashlinidiken.

Hidayetulla oghuzxanning bildürüshiche bu qétimqi yighinda, "Milliy kimlik we milliy birlikning ehmiyiti", "Xitayning sherqiy türksitanda yürgüziwatqan siyasitining arqa körünüshi", "Uyghur til we medeniyitining sherqiy türkistan dawasidiki orni" qatarliq 10 témida mutexesisler söz qilidiken we bes - munazire élip bérilidiken.

Biz bu yighinning échlishtiki meqsiti we ehmiyiti toghrisida toluq melumatqa érishish üchün, sherqiy türkistan ma'arip we hemkarliq jem'iyitining re'isi hidayetulla oghuzxan bilen söhbet élip barduq.

Biz yene bu yighin toghrisida pikir - qarashlirini élish üchün awustiraliyedin bu yighin'gha qatnishish üchün  kelgen  diniy erbab  abdusalam alim bilen söhbet élip barduq.

Abdusalam alim bu yighinning ehmiyiti toghrisida toxtaldi.

Toluq bet