9-Nöwetlik Uyghur yash rehberlerni terbiyilesh kursi birleshken döletler teshkilatida ötküzülmekchi

Dunya Uyghur qurultiyining 9-nöwetlik Uyghur yash rehberlirini terbiyilesh kursi, qurultay rehberlikining ortaq qarari bilen 11-ayning 24- künidin 26-künigiche shiwétsariyening jenwe shehiride ötküzülüshi békitilip, teyyarliq xizmetliri axirqi basquchqa kirdi.

Bu qétimqi Uyghur yash rehberlirini terbiyilesh kursi yashlarni asas qilghan halda ötküzülidighan bolup, dewa sépige yash ewladlarni jelp qilish we ularni birleshken döletler teshkilatining qurulmisi we birleshken döletlerde Uyghur dewasini élip bérishning yolliri heqqide terbiyeleshni meqset qilidiken. Shunga yighin üchinchi küni birleshken döletler teshkilatining jenwediki binasi ichide ötküzülidiken.

Dunya Uyghur qurultiyi ijra'iye komitéti re'isi dolqun eysa ependining éytishiche, bu qétimqi kurs jeryanida yene, dunya Uyghur qurultiyi re'isi rabiye qadir xanimning telipi boyiche d u q rehberlirining alahide yighini échilidiken.

Yighinda d u q ning ichki mesililiri we uning kéyinki qétimliq omumiy qurultiyigha da'ir mesililer muzakire qilinidiken. Mezkur yighin'gha d u q ning barliq rehberliri we her qaysi döletlerdiki wekilliri ishtirak qilidiken.

Biz yighin toghrisida tepsiliy melumat igilesh üchün yighinni uyushturghuchi d u q ijra'iye komitéti mudiri dolqun eysa ependi bilen söhbet élip barduq.

Yuqiridiki awaz ulinishidin tepsilatini anglighaysiler.