Marko rubi'o: xitay hakimiyiti Uyghurlargha, bashqa milletlerge qarshi irqiy qirghinchiliq qilmaqta

Muxbirimiz jüme
2020-11-01
Share
marco-rubio-2019-yighin.jpg Amérika kéngesh palatasining ezasi marko rubyu ependi yighinda sözlimekte. 2019-Yili 4-aprél, washin'gton.
REUTERS

Amérika kéngesh palatasi ezasi marko rubiyo xitay hakimiyitining Uyghur we bashqa milletlerge qilghan mu'amilisini "Irqiy qirghinchiliq" dep békitish qarar layihesini qollaydighanliqini bildürgen.

Amérika kéngesh palata ezasi jon kornin bu hepte kéngesh palata ezaliridin rubiyo, jim rich we bob ménéndézning qollishigha érishken bir qarar layihesini tonushturghan idi.

"Filorida kündilik xewerler tori" ning bildürüshiche, rubiyoning ishxanisi bu heqte toxtilip mundaq körsetken: "Qarar layihesi 1948-yildiki b d t ning irqiy qirghinchiliqning aldini élish we jazalash ehdinamisi boyiche xitayni jawabkarliqqa tartishni telep qilidu we xelq'araning birlikte inkas qayturup, bu ziyankeshliklerni toxtitishqa chaqiridu."

Rubiyo bu hepte, xitay hökümiti we xitay kompartiyesining Uyghur we bashqa az sanliq milletlerge qaritilghan qebih jinayi qilmishlirigha a'it delil-ispatlarning künsayin döwilinip bériwatqanliqini, bu jinayetlerning mahiyitini éniq bilishning zörürlükini bildürgen idi.

Bob ménéndézmu "Xitayning Uyghurlargha qarshi irqiy qirghinchiliq qiliwatqanliqida shek yoq" liqini bildürgen idi. 

Qarar layihesi kéngesh palatasining tashqi munasiwetler komitétigha ewetilgen bolup, uning nöwettiki ehwali hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet