Uyghur ishlemchilerning torda sétiliwatqanliqi en'gliye parlamént ezalirining qattiq eyiblishige uchridi

Muxbirimiz memetjan jüme
2021-04-18
Share
Uyghur ishlemchilerning torda sétiliwatqanliqi en'gliye parlamént ezalirining qattiq eyiblishige uchridi Xitayning "Beydu" torida bérilgen Uyghur emgekchilerning sétilidighanliqi heqqidiki élan. 2021-Yili aprél.
Social Media

Uyghur ishlemchilerning torda élan bérilip sétiliwatqanliqi ashkarilan'ghandin kéyin, bu en'gliye parlamént ezalirining qattiq eyiblishige uchrighan.

Ötken jüme küni en'gliyediki dangliq axbarat qanili bolghan "Asman xewerler tori" xitayning "Beydu" qatarliq tor betliride Uyghur emgekchilerning sétilidighanliqi heqqide élan bérilgenlikini xewer qilghan. Ular Uyghur emgekchiler heqqide élan bergen kishiler bilen alaqe qilip, bu Uyghurlarning xitay ölkiliridiki zawutlargha yollinidighan ishchilar ikenliki, bularning yérim herbiy tüzüm bilen bashqurulidighanliqidin xewerdar bolghan.

En'gliyedin chiqidighan "Musteqilliq géziti" ning xewer qilishiche, bu heqte pikir bayan qilghan en'gliye parlamént ezasi nusret ghéni: "Top-top halda Uyghurlarning xuddi qullardek kim ashti qilip sétilishi qorqunchluq we pütünley yirginchlik, dégen."

"Asman xewerler tori" ning mezkur xewirige inkas qayturghan emgek partiyesining sabiq rehbiri i'an dunkan simit xitay hökümitining irqiy qirghinchiliq qiliwatqanliqidin qilche shübhilenmeydighanliqini bildürgen.

U mundaq dégen: "Heqiqet shuki, xitay hökümiti irqiy qirghinchiliq bilen shughulliniwatidu. Bu jehette könglümde héch shek yoq. Ular bir étnik topluqni pütünley yoqitiwetmekchi."

"Asman xewerler tori" ning muxbiri tom chéshayir xitayning "Beydu" torida 50 din 100 ge qeder Uyghurning sétilidighanliqi heqqide nechche on yerde élan bérilgenlikini xewer qilghan. Xewerde yene özi bilen sözleshken élan bergüchilerning Uyghur rayonidin keltürülgen bu ishlemchilerning yerlik hökümet organlirining siyasiy tekshürüshidin ötküzülgenlikini bildürgenliki körsitilgen.

Bu xewer en'gliye parlaméntida Uyghur rayonida yüz bériwatqanlarning "Insaniyetke qarshi jinayet we irqiy qirghinchiliq jinayiti" shekillendüridighan, yaki shekillendürmeydighanliqi üstide munazire élip bérilishi pilan qilin'ghan mezgilde élan qilindi.

En'gliye parlamént ezasi nusret ghéni xanim teripidin tonushturulghan bu qarar layihisi 22-aprél awazgha qoyulidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet