Bonda chaqirilghan “Dunya iqlim özgirishi” yighinda Uyghur mejburiy emgiki mesilisi otturigha qoyuldi

Bérndin ixtiyariy muxbirimiz hebibulla izchi teyyarlidi
2024.06.07
dunya-iqlim-ozgirishi-yighin-1 Gérmaniyening bon shehiride chaqirilghan “Dunya iqlim özgirishi” yighini. 2024-Yili 3-iyun.
RFA/Hebibulla Izchi

Gérmaniyening bon shehiride 3-iyun künidin 6-iyun'ghiche chaqirilghan “Dunya iqlim özgirishi” yighinigha d u q ayallar komitéti re'isi, d u q xelq'ara munasiwetler diréktori zumret'ay erkin teklip bilen qatnashqan. U, bu yighinda Uyghur mejburiy emgikini “Dunya iqlim özgirishi” yighinining küntertipi ekirishke chaqiriq qilip, Uyghur mejburiy emgikini bu yighinda küntertipke élip kelgen.

Zumret'ayning bildürüshiche, bu qétimqi yighin, 11-ayda ezerbeyjanning bakuda ötküzülmekchi bolghan “Dunya iqlim özgirishi” yighinining küntertipini békitish we teyyarliq xizmetliri yighini iken. U, 5-iyun küni, bu yighinda Uyghur mejburiy emgikining “Dunya iqlim özgirishi” yighinining küntertipidin biri bolushi kéreklikini tekitlep؛ “Dunyada ishlitiliwatqan quyash énérgiyesi xam menbesining 35% tin köprekining sherqiy türkistandin kélidighanliqini otturigha qoyghan”

Zumret'ay erkin gérmaniyening bon shehiride chaqirilghan “Dunya iqlim özgirishi” yighinida. 2024-Yili 5-iyun.
Zumret'ay erkin gérmaniyening bon shehiride chaqirilghan “Dunya iqlim özgirishi” yighinida. 2024-Yili 5-iyun.
RFA/Hebibulla Izchi

Zumret'ay sözide yene, “Sherqiy türkistandiki qalaymiqan qézishlar, mejburiy emgek, xitay köchmenlirining qarighularche muhitqa buzghunchiliq qilishining, sherqiy türkistanda ékologiyelik muhitigha éghir ziyan séliwatqanliqini, milyonlighan Uyghurning jaza lagérlirida kilimatqa munasiwetlik quyash énérgiyesi saheside mejburiy emgekke séliniwatqanliqini” tekitligen.

“Dunya iqlim özgirishi yighini” parizh kélishimini asas qilghan, b d t ning biwasite teshkillishidiki xelq'araliq yighin bolup, bu yighin'gha eza döletler “Dunya iqlim özgirishi” yighinining parizh kélishimige ri'aye qilish mejburiyiti bar. D u q ning bérlin ishxanisi diréktori gheyur qurbanning qarishiche, bu yighin'gha tunji qétim bir Uyghur teshkilatining wekili teklip qilinishi b d t we her qaysi organlarning xitayning muhit buzghunchiliqi we Uyghur mejburiy emgikige diqqet qiliwatqanliqining ipadisi dep qarashqa bolidiken.

Zumret'ay erkin gérmaniyening bon shehiride chaqirilghan “Dunya iqlim özgirishi” yighinigha parallél chaqirilghan “Adil tereqqiy qilishta karxanilarning roli” namliq muzakire yighinida. 2024-Yili 5-iyun.
Zumret'ay erkin gérmaniyening bon shehiride chaqirilghan “Dunya iqlim özgirishi” yighinigha parallél chaqirilghan “Adil tereqqiy qilishta karxanilarning roli” namliq muzakire yighinida. 2024-Yili 5-iyun.
RFA/Hebibulla Izchi

Zumret'ay yene, bu yighin'gha parallél halda chaqirilghan “Adil tereqqiy qilishta karxanilarning roli” dégen muzakire yighinida “Uyghur mejburiy emgiki” ning tijaret saheside köz yumulidighan bir mesilige aylinip qéliwatqanliqini bildürüp, quyash énérgiyesi we éléktironluq aptomobillarning Uyghur mejburiy emgiki bilen bolghan munasiwitini chüshendürüp ötken.

“Dunya iqlim özgirishi” yighini komitéti her yili teyyarliq xizmetliri yighini chaqirip, dunyaning her qaysi jayliridin kelgen pa'aliyetchiler we kishilik hoquq qoghdighuchiliridin pikir alidighan bolup, bu heqte b d t kilimat özgirishini peseytish bölümining diréktori jémis grabért “Bu uchurlar, tedbir belgiligüchiler we alaqidar tereplerning kilimat özgirishi, tereqqiyatini bahalashta nishan'gha yétish yolidiki birinchi qol matériyal bolalaydu” dep éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.