Әнглийә әмгәкчиләр партийәсиниң йиллиқ йиғинида уйғур мәҗбурий әмгәк мәсилиси асасий тема болди

Мухбиримиз нуриман
2021-09-27
Share
Әнглийә әмгәкчиләр партийәсиниң йиллиқ йиғинида уйғур мәҗбурий әмгәк мәсилиси асасий тема болди "әмгәкчиләр партийәсиниң 2021-йиллиқ йиллиқ йиғини" да кишилик һоқуқ тәшкилатлиридин "кишилик һоқуқ әмгәк һәрикити" вә "хәлқаралиқ тәрәққият әмгәк һәрикити" бирликтә орунлаштурған "кишилик һоқуқ вә кархана тәминләш зәнҗири: әнглийә ширкәтлириниң қул әмгикидин пайда елишиниң алдини елиш" темидики муһакимә йиғинидин көрүнүшләр. 2021-Йили 26-сентәбир, лондон.
Rehime Mexmut teminligen

Әнглийәдики асаслиқ партийәләрдин бири болған әмгәкчиләр партийәсиниң йиллиқ йиғини 25-сентәбир башланған. Мәзкур йиғин 29-сентәбиргичә давам қилидиған болуп, 26-сентәбир күни партийә тарихида тунҗи қетим бир уйғур паалийәтчини әмгәкчиләр партийәсиниң йиллиқ йиғинда сөзләшкә тәклип қилған.

Дуня уйғур қурултийи лондон ишханисиниң мудири рәһимә мәһмут ханим "әмгәкчиләр партийәсиниң 2021-йиллиқ йиллиқ йиғини" да кишилик һоқуқ тәшкилатлиридин "кишилик һоқуқ әмгәк һәрикити" вә "хәлқаралиқ тәрәққият әмгәк һәрикити" бирликтә орунлаштурулған муһакимә йиғининиң асаслиқ сөзлигүчиси сүпитидә тәклип қилинған. Мәзкур муһакимә йиғини әнглийәдики ширкәтләрни мәҗбурий әмгәккә четилип қалмаслиққа агаһландурушни мәқсәт қилған болуп, мәхсус "кишилик һоқуқ вә кархана тәминләш зәнҗири: әнгилийә ширкәтлириниң қул әмгикидин пайда елишиниң алдини елиш" дегән тема муһакимә қилинған.

"әмгәкчиләр партийәсиниң 2021-йиллиқ йиллиқ йиғини" да кишилик һоқуқ тәшкилатлиридин "кишилик һоқуқ әмгәк һәрикити" вә "хәлқаралиқ тәрәққият әмгәк һәрикити" бирликтә орунлаштурған йиғинда рәһимә мәхмут ханим сөзлимәктә. 2021-Йили 26-сентәбир, лондон.

Рәһимә мәһмут ханим мәзкур йиғин һәққидә зияритимизни қобул қилип мундақ деди: "әнглийәдики үч чоң партийәниң бири болған әмгәкчиләр партийәсиниң йиллиқ йиғиниға мени, йәни бир уйғурни тәкилип қилиши бир тарихий вәқә болди."

Йиғинға йәнә парламенит әзалиридин хәлқара сода ишлири тәптиш министири емилий торнберей, асия вә тинч окян тәптиш министири стефин кеннок қатарлиқ дөләтниң муһим әрбаблириму қатнашқан.

Емилий торнбери "муһапизәтчи" гезитиниң зияритини қобул қилғанда мундақ дегән: "билгиниңиздәк, йеқинқи йиллардин буян хитай һөкүмитиниң системилиқ һалда уйғурларни шинҗаң районидики завутларда, деһқанчилиқ мәйданлирида, түрмә вә лагерларниң ичидә мәҗбурий әмгәккә селиватқанлиқиға даир пакитлар оттуриға чиқти. Шуниңдәк уйғурларни аталмиш ‹әмгәк күчлирини йөткәш' пиланиға асасән хитайниң ичкиридики шәһәрләргә мәҗбурий йөткәп, у йәрләрдики завут-карханиларда ишләтмәктә."

Емилий торнбери мәзкур муһакимә йиғинидиму уйғурларниң мәҗбурий әмгәккә селиниватқанлиқини тилға алған.

Рәһимә мәһмут ханим муһакимә йиғинда немиләр тоғрисида тохталғанлиқини биз билән ортақлашти, у мундақ деди: "мән уларға мениң сөзлигәнлирим гио-полтика әмәс, бәлки уйғулар һәр күни дуч келиватқан интайин азаблиқ һаят икәнликини чүшәндүрдүм."

Мәзкур муһакимә йиғининиң тәшкиллигүчиси, "кишилик һоқуқ әмгәк һәрикити" ниң хадими мәтийү тернир муһакимә йиғини һәққидә зияритимизни қобул қилип мундақ деди: "йиғинға наһайити көп киши қатнашти. Нурғун темиларда муһакимә илип берилди. Лекин қатнашқучилар асаслиқи әнглийә һөкүмити тәминләш зәнҗири мәҗбурий әмгәккә четишлиқ болған ширкәтләрниң мәсулийити сүрүштә қилишта җиддий тәдбир қолиниши керәкликини тәкитләшти. Әнглийәдики бәзи ширкәтләрниң шинҗаң районидики мәҗбурий әмгәккә силиниватқан уйғурлар тәрипидин ишләпчиқирилған мәһсулатларни импорт қилған болуши мумкинлики оттуриға қоюлди. Хуласилигәндә, мәҗбурий әмгәккә четилиш еһтималлиқи болған импорт-експорт маллириға қарита тәкшүрүшни күчәйтиш, ширкәтләрдин маллириниң мәҗбурий әмгәктин хали икәнликини испатлашни тәләп қилиш, униңдин башқа йәнә кишилик һоқуқ дәпсәничиликикигә четишлиқ болған мунасивәтлик орун вә шәхсләргә җаза тәдбирлири, иқтисадий җаза қоллиниш қатарлиқ темилар музакирә қилинди."

Америка вә әнглийә башчилиқидики бир қисим ғәрб дөләтлири уйғурлар дуч келиватқан зор көләмлик тутқун вә сиясий бастуруш һәрикитини "ирқий қирғинчилиқ" дәп елан қилғандин кейин, буниңға мас һалда бир қисим җаза тәдбирлирини оттуриға қойғаниди. Буларниң иҗра қилинишиға әгишип булардин бәзилириниң, җүмлидин мәҗбурий әмгәккә четишлиқ болған мәһсулатларниң америка базириға киришини чәкләш тәдбирлириниң һәқиқәтәнму зор үнүмгә игә икәнлики тезла намаян болғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт