Sichüendiki bir shirket: "Qeshqerdin 3000 din artuq ishchi yötkiduq, her biridin her ayda 600 yüen heq alimiz"

Muxbirimiz shöhret hoshur
2021-10-25
Share
Sichüendiki bir shirket: Sichüendiki bir emgek küchi yötkesh shirkitining Uyghur élidin.
Oqurmen teminligen

Yéqinda taratqularda tarqalghan xitayche bir élanda, Uyghurlardin ottura téxnikom we aliy mektep püttürüsh aldida turghan we sirtqa chiqip ishleydighan 2000 din artuq emgek küchi barliqi bildürülgen. Bu élanda yene éhtiyajliq karxana bashliqlirining alaqilishishi üchün bir téléfon nomuri qaldurulghan. Muxbirimizning éniqlashliri dawamida, mezkur élanni sichüen ölkisidiki bir emgek küchi yötkesh shirkitining chiqarghanliqi we mezkur shirketning yéqinda qeshqerdin 3000 din artuq emgek küchini yötkep, xitaydiki ikki orun'gha satqanliqi ashkarilandi.

Xitayche chiqirilghan mezkur élanda, Uyghur rayonida oqush püttürüsh aldidiki yashlardin 2000d in artuq emgek küchi barliqi, bularning sirtta ishleshke, yeni xitay ölkiliride ishleshke teyyar ikenliki bildürülüp, éhtiyajliq karxanichilarning alaqilishishi üchün bir téléfon nomuri qaldurulghan. Emma élanda bu élanning sahibi bildürülmigen. Biz mezkur nomurgha téléfn qilghinimizda, bu élanni chiqarghuchining sichüen ölkisining lyangshyen oblastidiki bir emgek küchi yötkesh shirkiti ikenliki ashkarilandi.

Sichüendiki bir emgek küchi yötkesh shirkitining Uyghur élidin.
Sichüendiki bir emgek küchi yötkesh shirkitining Uyghur élidin.

Biz mezkur shirket xadimdin élanda déyilgen emgek küchlirining hélimu bar yaki yoqluqini soriduq. Bu xadim élanda déyilgen emgek küchlirining bu yil 6 ‏-ayda sétilip (yötkilip) bolghanliqini ashkarilidi. Biz bu yötkelgen kishiler sanining qanchilik ikenlikini sorighinimizda, u "Üch mingdin artuq" dep jawab berdi. Biz bu sétilip bolghan emgek küchlirining kimler ikenlikini sorighinimizda, u ularning hemmisining az sanliq millet ikenlikini tilgha aldi. Biz "Ular qeyerdin?" dep sorighinimizda u: "Hemmisi qeshqerdin, hemmisila Uyghur" dep jawab berdi.

Biz qeshqerdiki alaqidar organlargha téléfon qilip, qeshqerdin yötkelgen bu emgek küchliri heqqide melumat roriduq. Alaqidarxadimlar bu heqte melumat bérishni ret qildi.

Biz sichüendiki mezkur shirket xadimdin qeshqerdin yötkelgen 3000 din artuq kishining nege yötkelgenlikini soriduq. Mezkur xadim, ularning nenjingdiki ikki orun'gha yötkelgenlikini ashkarilidi. Mezku xadim yene so'allirimizgha jawaben yötkelgen her bir ishchigha 2000 yüendin mu'ash bérilidighanliqi, bularning her biridin mezkur shirketning her ayda 600 yüz yüendin heq alidighanliqini bayan qildi.

Biz ilgiri qeshqerge qarita élip barghan éniqlashlirimiz dawamida, qeshqer ayrrodromidiki lagéridin qoyup bérilgen erkin hashim qatarliq 9 neper sabiq tutqunning bir yük toshush shirkitide hammalliq qilidighanliqi, ularning ayliq mu'ashining 2200 yüen ikenliki, buning 900 yüenini lagér xadimlirining tutup qalidighanliqi melum bolghan idi.

Sichüendiki mezku xadim, qeshqerdin nenjinggha yötkelgen bu 3 ming kishining qeshqerdiki mekteptin yaki jem'iyettin we yaki lagérdin yötkigenliki heqqide melumat bermidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet