Xelq'ara emgek teshkilatining Uyghur mejburiy emgikige ün chiqarmasliqi tenqidke uchridi

Muxbirimiz erkin
2020-11-12
Share
mejburiy-emgek-kiyim-tikish-zawuti.jpg Xotendiki melum bir zawutta ishlewatqan Uyghur ishlemchiler.
Social Media

Gherb dunyasidiki 3 nopuzluq Uyghur teshkilati 10-noyabir xelq'ara emgek teshkilatining bash diréktori gay raydérgha mektup yézip, uni keng kölemlik omumlashqan Uyghur mejburiy emgikini keskin ipadiler bilen tenqidleshke chaqirghan. Uyghur teshkilatlirining tekitlishiche, gay raydér mezkur teshkilatning qarar maqullap, Uyghurlarni mejburiy ishlitiwatqan xitayning" xelq'ara emgek ehdinamiliridiki mejburiyetlirige xilapliq qilghanliqini tenqid qilishigha türtke bolushi kérek "Iken.

D u q bu mektupni yazghan teshkilatlirining biri bolup, uning 10-noyabir élan qilghan bu heqtiki bayanatida qurultay re'isi dolqun eysa" Uyghur xelqini mejburiy emgekke sélishqa emdi perwa qilmasliqqa, bolupmu ishchilarning heq-hoquqini ilgiri sürüsh we qoghdash meqsitide qurulghan mezkur xelq'ara organning perwa qilmasliqigha bolmaydighanliqi "Ni tekitligen. Uning qeyt qilishiche," Uyghur jama'etchiliki xelq'ara emgek teshkilatining küchlük bayanat élan qilip, xitayning Uyghur ishchilirini xorlawatqanliqini tenqid qilishini kütmektiken ".

Lékin xelq'ara emgek teshkilatining radiyomizgha bildürüshiche, ular eza döletlerning emgek ölchemlirige xilapliq qilish heriketlirige ashkara baha bermeydiken. Biz 11-noyabir xelq'ara emgek teshkilati bilen alaqiliship, ularning Uyghur teshkilatlirining mektupigha bolghan inkasini sorighaniduq.

Bu organning axbarat ishlar mes'uli rosalind yardé xanim 12-noyabir muxbirimizgha ewetken bayanatida," ishxanimiz eza döletlerning xelq'ara emgek ölchemlirige xilapliq qilghanliqigha da'ir bayanlargha ashkara baha bermeydu. Hökümetler, xizmet orunliri yaki ishchilar teshkilatliri bu xil shikayetlerni xelq'ara emgek ehdinamilirining alaqidar nazaret organlirigha sunsa bolidu "Déyilgen.

Lékin ularning tekitlishiche, xitay xelq'ara emgek teshkilatining mejburiy emgekni cheklesh, jazalash, aldini élish toghrisidiki héchqandaq bir ehdinamisini hazirgha qeder testiqlimighaniken. Bayanatta mundaq deydu:" halbuki, xitay hazirgha qeder xelq'ara emgek teshkilatining mejburiy emgekni cheklesh, jazalash, aldini élish üchün telep qilinidighan héchqandaq qoralini testiqlap baqmidi. Lékin u bir qanche yildin béri 29-nomurluq mejburiy emgek ehdinamisini testiqlashni oylishiwatidu ".

Bayanatta qeyt qilinishiche," xelq'ara emgek teshkilatining 29-nomurluq ehdinamiside mejburiy emgekning her xil shekli we mejburiyet emgiki cheklen'gen bolup, uningda 'herqandaq bir kishidin jazalash tehditi astida telep qilin'ghan yaki u shexs xalap qilmighan herqandaq ish we xizmet' mejburiy emgek, dep békitilgeniken ".

Kishilik hoquq mutexessislirining tekitlishiche, xelq'ara emgek teshkilatining emgek heqlirige xilapliq qilish heriketlirige perwa qilmasliqi uning inawitige dexli yetküzmektiken. Gérmaniyediki" xeter astidiki xelqler jem'iyiti "Ning diréktori ulrix déliyus 11-noyabir ziyaritimizni qobul qilip mundaq dédi:" xelq'ara emgek teshkilati özining ötken esirde chiqarghan xelq'ara ehdinamilirini qoghdishi kérek. Chünki bu uning inawitige bérip taqilidu. U döletlerning özi testiqlighan ehdinamilerge xilapliq qilishigha sel qarimasliqi lazim ".

Déliyusning tekitlishiche, xelq'ara emgek teshkilatining emgek ehdinamilirige xilapliq qilghan döletlerge bésim ishlitish méxanizmi kemchil iken. U buning izchil mewjut bolup kétiwatqan bir yétersizlik ikenlikini bildürüp mundaq dédi:" lékin xelq'ara emgek teshkilatida izchil mewjut bolup kelgen mesile, uningda ehdinamilerge xilapliq qilghan döletlerge bésim ishlitidighan yéterlik méxanizm yoq. Ularning armiyesi yoq yaki hökümetlerning öz mejburiyitini ada qilmasliqini chekleydighan qorali yoq. Shundaqtimu bu mesilini otturigha qoyup, keng ammining diqqitini qozghash yenila zörür ".

Bu mektupqa yene amérika Uyghur birleshmisi, Uyghur kishilik hoquq qurulushimu imza qoyghan bolup, uningda xelq'ara emgek teshkilatining" éniq we ochuq bolghan insaniyetke qarshi bu jinayetke süküt qilip turushigha bolmaydighanliqi "Tekitlen'gen. Ularning qeyt qilishiche, xitay hökümiti" pütkül rayonni mejburiy emgek meydanigha aylandurup ", xelq'ara emgek teshkilatining irqiy, étnik we diniy kemsitishni cheklesh, emgek erkinlikini qoghdash toghrisidiki 111 we 122-nomurluq ehdinamilirige xilapliq qilmaqtiken.

Amérika Uyghur jem'iyitining programma diréktori maks gélbér 11-noyabir ziyaritimizni qobul qilip, xelq'ara emgek teshkilatining kéler yili 3-aydiki yighinida xitaygha qarshi bir qarar maqullishini ümid qilidighanliqini bildürdi.

U mundaq dédi:" biz bash diréktorning 2021-yili 3-ayda bashlinidighan kéler qétimliq yighinida mezkur organning qarar maqullap, xitay hökümitini tenqidlishige türtke bolushini telep qilimiz. Xelq'ara emgek teshkilatining ehdinamisige imza qoyghan döletlerning ehdinamidiki belgilime we ölchemlerge emel qilish mejburiyiti bar ".

Uning tekitlishiche, xelq'ara emgek teshkilatining bash diréktor gay raydér bu mesilige arilishishi kérek iken. U:" shunga, biz bash diréktorning weziyetke arilishishini, idare hey'itining xitayning Uyghur éli we xitay miqyasidiki qilmishi, uning Uyghur, qazaq, qirghiz we bashqa türkiy xelqlerge tutqan mu'amilisini keskin tenqid qilishini telep qilimiz "Dep körsetti.

Xelq'ara emgek teshkilati xitayning 2017-yildin bashlap lagér ichi we sirtidiki yüz minglighan Uyghurni xitay karxanilirida mejburiy emgekke sélip, ishlepchiqarghan mehsulatlirini éksport qiliwatqanliqigha da'ir delil, höjjet, shahitlarning guwahliqi, tetqiqatchi we kishilik hoquq teshkilatlirining doklatlirigha héchqandaq ipade bildürüp baqmighan. Ulrix déliyusning qarishiche, buningda ammiwi jem'iyetler, sen'etchiler we ishchilar uyushmilirini heriketke keltürüp, xelq'ara emgek teshkilatigha bésim ishlitish kérek iken.

U mundaq deydu:" menche siz döletlerning ipade bildürüshini saqlisingiz, belkim uzun saqlap qélishingiz mumkin. Biz bashqa bir yol bilen bésim qilishimiz kérek. Ammiwi jem'iyetler, sen'etchiler, ishchilar uyushmilirining xelq'ara emgek teshkilatidiki wekilliri bu mesilini otturigha qoyushqa hökümetlerge qarighanda téximu mayil ".

Uyghur teshkilatlirining mektupida, mejburiy emgekke qarshi turush xelq'ara emgek teshkilatining mejburiyiti ikenliki, uning bu mejburiyitini ada qilishi kérekliki tekitlen'gen. Uningda" meyli qeyerde yüz bersun, xelq'arada birdek étirap qilin'ghan kishilik hoquq we emgek heqlirini algha sürüsh, jümlidin mejburiy emgekke qarshi turush xelq'ara emgek teshkilatining mejburiyiti. Oxshashla xelq'ara emgek teshkilati bügün Uyghur rayonidiki insan we emgek heqlirige dexli-teruz qilishtek bu endize aldida süküt qilmasliqi kérek "Déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet