Amérika Uyghur birleshmisi mejburiy emgekni axirlashturush herikiti bashlidi

Muxbirimiz jüme
2020-12-20
Share
Amérika Uyghur birleshmisi mejburiy emgekni axirlashturush herikiti bashlidi Amérika Uyghur birleshmisi Uyghurlargha qaritilghan mejburiy emgekni axirlashturush bash témisida alma mehsulatlirini mexsus sétish orunlirining aldida tinch yosunda namayish qilish herikiti bashlidi. 2020-Yili 19-dékabir. Wirjiniye, amérika.
Photo: RFA

Amérika Uyghur birleshmisi Uyghurlargha qaritilghan mejburiy emgekni axirlashturush bash témisida alma mehsulatlirini mexsus sétish orunlirining aldida tinch yosunda namayish qilish herikiti bashlidi.

Heriketning tunji qétimqisi 19-dékabir wirginiye shtatining arlin'gton nahiyesidiki klarindon rayonigha jaylashqan alma mehsulatlirini mexsus sétish dukinining aldida ötküzüldi.

Amérika Uyghur birleshmisining programma diréktori maks gélbér "Alma", "Nayki" qatarliq shirketler yéqinda amérika dölet mejliside tonushturulghan "Uyghur mejburiy emgikini cheklesh qanuni" gha qarshi bashlighan heriketlerning aldini élip, mezkur qanunning ongushluq maqullinishigha kapaletlik qilish meqsitide mezkur heriketni bashlighanliqini bildürdi.

U mundaq dédi: alma, nayki, koka-kola qatarliq bu qanunni ajizlashturush meqsitide heriket qiliwatqan shirketlerni buninggha jawab bérishke chaqirimiz. Elwette chong shirketler öz paychilirining paydisini ashurushni közleydu, shunga ular mehsulatlirining tennerxining töwen bolushini xalaydu."

"Uyghur mejburiy emgikini cheklesh qanuni" bu yil séntebirde amérika dölet mejlisi awam palatasida mutleq yuqiri awaz bilen maqullan'ghan we kéngesh palatasigha sunulghan idi.

Halbuki, mezkur qanun awam palatasida maqullinip uzun ötmey "Nayki", "Koka-kola" qatarliq shirketlerning mezkur qanunni ajizlashturush üchün heriketke ötkenliki xewer qilin'ghan.

Amérika Uyghur birleshmisi hey'et ezasi elpidar iltebirning éytishiche, ular yuqirida tilgha élin'ghan shirketlerni niyitidin yandurush üchün heriket bashlighan.

U mundaq dédi: biz bu herikitimiz jeryanida her ayda bir shirketke diqqitimizni merkezleshtürimiz. Herikitimizni alma shirkitidin bashliduq. Bu nöwet klarindondiki alma dukinining aldida ikki sa'et namayishi qilduq. Kéler hepte jorjtown'gha jaylashqan alma dukinining aldida turmaqchi."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet