Merdan ghapparning taghisi abdulhekim ghappar bilen mexsus söhbet
2020.08.06
4-Awghust küni en'gliyening BBC qanilida bérilgen merdan ghappar isimlik Uyghur modél yigitning kuchadiki bir karantin qilish öyidin tarqatqan widiyosi nahayiti zor ghulghula qozghidi.
Undaqta, merdan ghappar kim? merdan ghappar 2007-yili ürümchi sen'et mektipining ussul kespini püttürgendin kéyin, özini tereqqiy qildurush meqsitide xitayning soda merkezliridin biri bolghan gu'angjugha barghan. U gu'angdung ölkisining foshen shehiride modél kespi bilen shughullinip, dang qazan'ghan. Halbuki, 2019-yili 11-ayda ikki saqchi modél yigit merdan ghapparni foshendiki öyidin “Beden tekshürüsh ilip barimiz” dep élip ketken. Shu küni kechte saqchi da'iriliri merdan ghapparning apisigha xewer bérip, oghlini nopusi turushluq kuchagha “Terbiyelesh” ke élip baridighanliqini uqturghan. Shuningdin kéyin merdan ghappar heqqide héchqandaq xewer bolmighan.
2020-Yili 3-ayda merdan ghappar özining “Ündidar” hisabidin awazsiz bir widiyoni apisi arqiliq gollandiyede turushluq taghisi abdulhekim ghappargha ewetken. Widéyoda merdan ghapparning bir qoli koyza bilen kariwatqa baghlap qoyulghan bolup, bu widéyoning melum tutup turush ornidin ewetilgenliki éniq idi.
Biz lagér mehbusi merdan ghapparning hazir gollandiyede turushluq taghisi abdulhekim ghappar bilen bu heqte mexsus söhbet élip barduq.
Yuqiridiki awaz ulinishi arqiliq abdulhekim ghappar bilen ötküzülgen söhbitimizning tepsilatini anglighaysiler.