Майик помпейо роза һейтлиқ тәбрикнамисидә уйғурларни алаһидә тилға алди

Мухбиримиз җүмә
2020-05-24
Share
pompeo-diniy-erkinlik-diklat.jpg Америка ташқи ишлар министири майк помпейо әпәнди “хәлқара дини әркинлик доклати” ни елан қилмақта. 2019-Йили 21-июн, вашингтон.
AP

Америка ташқи ишлар министири майик помпейо роза һейтлиқ тәбрикнамисидә уйғурларни алаһидә тилға алди вә зулумға учриғанлар билән бир сәптә туридиғанлиқини билдүрди.

У, тәбрикнамисидә дуняниң һәрқайси җайлиридики мусулманларға сәмимий тиләклирини изһар қилди вә дуняви ваба сәвәблик өзгәргән дуняда америка вә дуняниң һәр қайси җайлиридики мусулманларниң өткән бир ай җәрянида роза тутқанлиқини, мәниви ойлиниш, җамаәтчилик вә миннәтдарлиқ, рәһимдиллиқ вә сехийлиқ қәдирйәтлирини мәркәз қилип диний мәҗбурийәтлирини бәҗа кәлтүрүгәнликини һәмдә роза тутуш йосунлириниму мунасип һалда тәңшигәнликини билдүрди.

У тәбрикнамисиниң давамида уйғурларниң кәскин хирисларға дуч кәлгәнликини тилға алди.

У мундақ деди: “рамзан вә һейт җамаәтниң әһмийити, мулазимәт һәрикәтлири вә дин яки етиқад қатарлиқларни өз ичигә алған негизлик әркинликләрни қоғдашниң нәқәдәр муһимлиқини әскәртиш ролини ойнайду. Бу дуняви ваба мәзгилдә уйғур, роһинга қатарлиқ мусулманлар җамаити вә башқилар етиқадиға әмәл қилишта қурбанлиқ қилиниш, паракәндичиликкә учраш вә қамилиш қатарлиқларни өз ичигә алған еғир риқабәт вә техиму көп тәһдитләргә дуч кәлди.”

Помпейо тәбрикнамисиниң ахирида зулумға учриғанлар билән бир сәптә туридиғанлиқини билдүрүп мундақ деди: “биз мусулман җәмәтигә җор болуп, зулумға учурғучилар билән бир сәптә туримиз. Дин вә диний чүшәнчисиниң қандақ болушидин қәтий нәзәр барлиқ һөкүмәтләрни барчә пуқраларниң диний әркинликини қоғдашқа чақиримиз.”

Америка ташқи ишлар министири майик помпейо хитайниң уйғурларға қаратқан бастуруш сиясәтлирини изчил вә күчлүк рәвиштә тәнқидләп келиватқан америка рәһбәрлириниң бири.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт