Майк помпейо ватикан даирилирини хитайдики етиқадчиларни қоллашқа чақириди

Мухбиримиз җүмә
2020-09-20
Share
FirstThings.jpg Америка ташқи ишлар министири майк помпейо “тунҗи шәйиләр” намлиқ диний жорналда мақалә елан қилип, ватикан даирилирини хитайдики етиқадчиларни қоллашқа чақириди.
firstthings.com

Америка ташқи ишлар министири майк помпейо “тунҗи шәйиләр” намлиқ диний жорналда мақалә елан қилип, ватикан даирилирини хитайдики етиқадчиларни қоллашқа чақириди.

У мақалисидә ши җинпиңниң мустәбит һакимийити астида хитайдики кишилик һоқуқниң, болупму етиқадчиларниң еғир талапәткә йолуққанлиқини тилға алди. 

У мақалисидә, хитай компартийәсиниң уйғур елидики мусулманларға қарита мәҗбурий бала чүшүрүш вә туғмас қилиш программиси йолға қойғанлиқи, католик поплар вә етиқадчилирини харлиғанлиқи, протестант йәрасти черкавлириға һуҗум қилғанлиқи, ши җинпиңниң өзини бир илаһий күч сүпитидә оттуриға чиқириватқанлиқи қатарлиқларниң ишәнчлик доклатлар тәрипидин ашкариланғанлиқини оттуриға қойди. 

У мундақ деди: “һазир хитайдики диний җамаәт ватиканниң әхлақий гуваһлиқи вә һакимийәт нуқтисидин қоллишиға һәр қандақ вақиттикидинму бәкрәк еһтияҗлиқ.”

У йәнә, америк башлиған хитайниң барғанчә өткүрлишиватқан кишилик һоқуқ дәпсәндичиликлирини әйибләш һәрикитигә нурғун дөләтләрниң аваз қошқанлиқини, өткән йили 22 дөләтниң б д т кишилик һоқуқ кеңишигә бирликтә мәктуп йоллап, хитайниң 1 милйондин артуқ уйғур мусулман, қазақ вә башқиларни аталмиш “қайта тәрбийәләш” лагерлириға солиғанлиқини әйиблигәнликни, американиң хитайдики кишилик һоқуқ дәпсәндичиликлирини әйибләшни изчил давам қилидиғанлиқини билдүрди. 

Помпейониң бу мақалиси ватикан дипломатлири билән хитай коммунист дипломатлири арисида бу ай ичидә өткүзүлидиған диалогдин бурун елан қилинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт