"милләт нөвәттә паалийити" 120-күнидә вақтинчә тохтитилди

Ихтиярий мухбиримиз азиғ
2021-04-19
Share
Милләт нөвәттә паалийитидин көрүнүш. 2021-Йили апрел, түркийә.
RFA/Azigh

Хитайниң истанбул консулханисиниң алдида давамлишиватқан милләт нөвәттә паалийити 120-күнидә түркийә һөкүмитиниң рамзан ейида йолға қойған йеңи коруна вируси тәдбирлири сәвәблик вақтинчә тохтитилди.

Түркийәдә йеқиндин буян корона вирусиниң тарқилиши техиму еғирлишип кәткәниди.

Хитайниң истанбул консулханисиниң алдида башлинип давам қиливатқан "милләт нөвәттә" паалийитиниң 120-күнидә, түркийә бихәтәрлик хадимлири паалийәтчиләрдин йеңи елан қилинған коруна вируси вабаси тәдбирлири сәвәблик паалийәтни вақтинчә тохтитишни тәләп қилған.

Түркийә сақчи даирилириниң телефонини тапшуруп алған лагер қурбанлири йеқинлиридин җәвлан ширмәмәт әпәндим, сақчиларниң буйруқи бойичә хитайниң истанбул консулханисиниң алдида давамлишиватқан "милләт нөвәттә" паалийитини вақтинчә тохтатқанлиқини билдүрди.

Лагер қурбанлири йеқинлиридин 12 киши 2020-йили 18-декабир күни истанбулдики хитай консулханисиниң алдида "аилә нөвәттә" паалийитини башлиғаниди. Паалийәт бу йил 3-феврал әнқәрәдики хитай әлчиханисиниң алдиға йөткәлгән болуп, "аилә нөвәттә" паалийити хитайниң қирғинчилиқ сияситиниң зәрбисигә учриған техиму көп кишиләрниң аваз қошуши билән "милләт нөвәттә" паалийитигә өзгәртилгәниди. Бу паалийәткә явропа, японийә вә америка қатарлиқ дөләт вә районлардики көплигән лагер тутқунлириниң йеқинлири аваз қошқаниди

Әнқәрә вә қәйсәридә өткүзүлүватқан "милләт нөвәттә" паалийитигә түркийә бихәтәрлик тармақлири йол қоймиғанлиқи сәвәблик, 21-феврал күни әнқәрәдики лагер қурбанлири йеқинлири истанбулға қайтқаниди.

Түркийәдә коруна вируси вәқәлириниң давамлиқ ешип бериши сәвәблик рамзан ейида қайтидин ваба тәдбирлири йолға қоюлған болуп, паалийәтчиләр рамзан ейидин кийин паалийитини қайтидин давамлаштуридиғанлиқини билдүрүшти.

Зияритимизни қобул қилған лагер қурбанлири йеқинлиридин мәдинә назими ханим 120 күнлүк паалийәт җәрянида, түркийәдики уйғур җамаитиниң қизғин аваз қошқанлиқини, түркийәдики сиясий партийәләр вә пуқрави тәшкилатларниң зор қоллишиға еришкәнликини ейтти вә мундақ деди: "паалийәтни биз 12 киши башлиғанидуқ. Бүгүн йүзләрчә киши бизгә қетилди. Пүтүн уйғур қериндашлар һәммимиз бир сәп болуп, залим хитайниң қаршисида 120 күнниң яқи тик туруватимиз. Паалийәтни елип бериш җәрянида хәлқимизниң бир-биригә болған меһир муһәббитини, өз миллити вә аилиси үчүн қурбанлиқ бериштин баш тартмайдиғанлиқини көрдуқ".

Лагер қурбанлири йеқинлиридин бири доктор бурһан улуғйол әпәндим зияритимизни қобул қилип түркийәниң корона вируси вабаси тәдбирлири сәвәблик тохтап қалған "милләт нөвәттә" паалийитини тәдбирләр бошиғандин кейин давамлиқ елип берилидиғанлиқини ейтти.

Хитай һөкимити лагир қурбанлири йиқинлириниң аилә тавиабатлирини мәҗбури сөзлитип, хитай һөкимитиниң уйғур елидики қирғинчилиқ сиясәтлирини ақлашқа урунуп келиватқан болуп, лагер қурбанлири йиқинлиридин мирзәхмәт илясоғли әпәнди зияритимизни қобул қилип хитайниң сүпәтсиз сиясий тәшвиқатлар арқилиқ дуняни алдиялмайдиғанлиқини ейтти.

Милләт нөвәттә паалийити башланғандин буян түркийә вә пүтүн дуняда зор ғулғула қозғиған болуп, кишиләрниң диққитини хитайниң уйғурларни нишан қилған йиғивелиш лагери вә халиғанчә тутқун қилиш сияситигә қаритишта муһим рол ойниған. Көзәткүчиләр, йеңи вә өзгичә қаршилиқ паалийәтниң хитайниң қирғинчилиқ сиясәтлирини дуняға ашкарилашта зор әһмийәткә игә икәнликини тәкитләшмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт