Enqerede sherqiy türkistan milliy armiyesi heqqide ilmiy muhakime yighini ötküzüldi

Ixtiyariy muxbirimiz erkin tarim
2019.04.10
PH-Alim-Boghda.jpg Sherqiy türkistan milliy armiyesi qurulghanliqining 74-yilliqini xatirilesh munasiwiti bilen ötküzülgen ilmiy muhakime yighinida doktor alimjan boghda ependi sözlimekte. 2019-Yili 6-aprél, enqere.
RFA/Erkin Tarim

4-Ayning 6-küni türkiyening paytexti enqerede sherqiy türkistan milliy armiyesi qurulghanliqining 74-yilliqini xatirilesh munasiwiti bilen mexsus ilmiy muhakime yighini ötküzüldi. Uyghur tetqiqat instituti teripidin uyushturulghan yighin'gha enqerediki Uyghur ziyaliylar we bezi Uyghur oqughuchilar ishtirak qildi.

Uyghur institutida ötküzülgen yighin, aldi bilen Uyghurlarning erkinliki üchün shéhit bolghanlarning rohigha atap, qur'an tilawet qilish, arqidin türkiyening dölet marshi bilen sherqiy türkistanning istiqlal marshini oqush bilen bashlandi.

Kéyin yighinning kün tertipige bina'en enqerediki hajettepe uniwérsitéti tarix oqutquchisi dotsént erkin ekrem ependi “Dölet we armiye”, qahramanmarashtiki sütchü imam uniwérsitéti diniy ilimler kespi oqutquchisi doktor alimjan boghda ependi bolsa “Milliy armiyening omumiy ehwali”, enqere uniwérsitéti doktor aspiranti muhemmet'éli memet'imin “Milliy armiye bilen gomindang armiyesining küch sélishturmisi” we enqerediki haji bayram wéli uniwérsitéti magistir oqughuchisi mehmutjan yasin bolsa “Milliy armiyede ishlitilgen herbiy unwan namliri we ordénlar” témilirida doklat berdi.

Doktor erkin ekrem ependi “Dölet we armiye” mawzuluq doklatida sherqiy türkistan milliy armiyesining 1945-yili 4-ayning 8-küni resmiy qurulghanliqini bayan qildi.

Enqere uniwérsitéti tarix kespide doktorluq oquwatqan muhemmet'éli memet'imin sherqiy türkistan milliy armiyesining sani gomindang armiyesining sanidin az bolsimu, qisqa waqit ichide küchlük muntizim armiyege aylan'ghanliqini bayan qildi.

Doktor alimjan boghda ependi “Milliy armiyening omumiy ehwali” témisida bergen doklatida nuqtiliq halda 1933-yili qeshqerde élan qilin'ghan sherqiy türkistan islam jumhuriyeti mezgilidiki Uyghurlarning armiyesi toghrisida melumat berdi. Doktor alimjan boghda ependi sherqiy türkistan islam jumhuriyeti mezgilide muntizim milliy armiye bolmisimu, emma armiye barliqini otturigha qoydi.

Yighinning axirida enqerediki haji bayram weli uniwérsitéti magistir oqughuchisi mehmutjan yasin bolsa “Milliy armiyede ishlitilgen herbiy unwan namliri we ordénlar” témisida doklat berdi. U, doklatida 1945-yili 4-ayning 8-küni qurulghan sherqiy türkistan milliy armiyeside ishlitilgen herbiy unwan namliri we ordénlar toghrisida melumat berdi.

Yighin axirlashqandin kéyin “Sherqiy türkistan milliy armiyesining 74-yilliqini xatirilesh yighini” gha ishtirak qilghan enwer ependi wetendiki waqtida sherqiy türkistan milliy armiyesi toghrisida melumatlargha ige bolghanliqini, emma bu yighinda bu heqte köp yéngi melumatlargha érishkenlikini bayan qildi.

Bu enqerede ötküzülgen tunji qétimliq sherqiy türkistan milliy armiyesini xatirilesh yighini bolup, Uyghur instituti mes'ullirining éytishiche bundin kéyin her yil ötküzülidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.