Kériyede yer tewridi, yerdinmu bek el tewridi

Muxbirimiz gülchéhre
2014-02-18
Share
keriye-yer-tewresh-charwa.jpg Xoten kériye nahiyiside 7.3 Bal yer tewreshte ölgen charwilar. 2014-Yili 12-féwral.
Social Media

12-Féwral xoten kériye nahiyiside 7.3 Bal yer tewrigenlik xewiri Uyghur éli ichi we sirtidiki Uyghurlarni teng silkidi, herqaysi sahediki Uyghurlar we herqaysi axbarat wasitiliri jümlidin ijtima'iy alaqe wasitiliri Uyghur tor béketlermu bu apetke alahide köngül böldi.

Kériyede yüz bergen yer tewresh apiti chet'ellerdiki Uyghurlarni endishilendürgen bolsa,apettin qutquzush üchün el ichining tewrishi ularni chongqur tesirlendürmekte. Bu apetning Uyghur xelqining qelbini birlik ittipaqliqqa urghutidighan bir sinaq bolghanliqidin söyünmekte.

Bu nöwet kériyede yüz bergen yer tewresh apitining eng éghir tesirige uchrighan jaylar xotendin ikki yüz kilométir yiraqliqtiki kériye nahiyisining kentliri bolsimu, Uyghur jama'iti mezkur apettin téz xewer tépip intayin jiddiy inkas qayturdi, buningda Uyghur tor béketlirimu özining tesiri küchini körsetti, Uyghurche tor béketlerde apet rayonidiki xelqning emeliy ehwali heqqide neq meydan xewerliri yerlik hökümet axbarat wasitiliridinmu rast we etrapliq xewer tarqatqan bolsa, apet heqqide höjjetlik filim, mushu qétimliq yer tewresh apitige atap ijad qilin'ghan naxshilarmu tarqitildi. Apet rayonida saxawetchi karxanichilarning ayighi üzülmidi, apetke köngül boluwatqan Uyghurlar kériye nahiyisining yer tewreshte eng éghir tesirge uchrighan atchan yézisi shuningdek oytoghraq, toghra ghaz kentlirigiche bérip keng xelq ammisidin hal sorap kelmekte. Hélihem méhirlik aq köngüllerning apetke uchrighuchi Uyghur ammisigha bes-beste yar yölekte boluwatqanliqi melum.

Bu qétimqi yer tewresh apiti Uyghurlarda oxshashla bir tuyghuni oyghatti, u bolsimu “Men xelqimge qandaq yardem qilsam bola? mana shu xil istek bilen her qaysi ellerde Uyghurlarmu öz aldigha toplinip apette qalghan wetinige xelqige özining könglini ipade qilish yollirini izdimekte. Washin'gtondiki péshqedem ziyaliylardin tughluq ependi, chet'eldiki her bir Uyghurning xelqining béshigha éghir kün kelgende ular bilen birge bolush ulargha qolidin kélishiche yardemde bolush arzusida yashaydighanliqini ipade qildi we xitay hökümitining bu eqelliy insanperwerlikke tosqunluq qilmasliqi kérek dep ümid qiliwatqanliqini bildürdi.

Amérikidiki pa'aliyetchilerdin nurmemet musabay ependi bu qétimqi yer tewresh apitining ilgiri maralbéshi, peyziwat qatarliq jaylarda yüz bergen yer tewresh apetliridikidek zor ölüm-yétim paji'elerni meydan'gha keltürmigen bolsimu, xewerning tesir küchining alahide téz we zor bolghanliqi Uyghurlarning oyghinishining ipadisi dep tehlil qildi we bu apettin qutquzushqa atlinishta ijtima'iy alaqe wasitiliridin intayin yaxshi we ünümlük paydilan'ghanliqini eskertip ötti.

Kériyede yer tewridi, yer bilen teng Uyghurlar tewridi... Uyghurlar bu apettin kéyinki mohtajliqta qalghanlargha özlükidin qol uzitish, qutquzush heriketliri arqiliq bashqilargha Uyghurlarning uyushchan, saxawetlik,qeyser we heqiqiy méhri-muhebbetlik xelq ikenlikini namayan qilghan bolsa, öz nöwitide bir birige hem“Birlik bolidiken her qandaq apettin öteleymiz dep zor medet berdi.

Yuqiridiki awaz ulinishidin, bu programmining tepsilatini we mexsus mushu qétimliq yer tewresh apitige atap karwan, chimbulaq, ana tupraq, misranim torliri ishligen höjjetlik filimdin ariye anglap köreyli.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet