Әркин асия радийоси уйғур бөлүми «давид бурке мукапати» ға еришти

2019-11-13
Елхәт
Пикир
Share
Принт
13-Ноябир куни әркин асия радиоси уйғур бөлими хадимлири мукапат тапшурувалди.
13-Ноябир куни әркин асия радиоси уйғур бөлими хадимлири мукапат тапшурувалди.
RFA

Әркин асия радийоси уйғур бөлүми америка дуняви медия агентлиқиниң нопузлуқ мукапати - «Давид бурке мукапати» ға еришти.

Асия радийоси уйғур бөлүми хадимлири 13-ноябир күни америка дуняви медия агентлиқиниң баш штабида өткүзүлгән мурасимда «2019-йиллиқ давид бурке ахбарат мукапати» ни коллектип һалда сәһнигә чиқип тапшурувалди.

«Давид бурке ахбарат мукапати» америка ахбарат мудирийитиниң тунҗи мудири давид бурке әпәндимниң намида тәсис қилинған. Мудирийәт өткән йили өз намини «америка дуняви медия агентлиқи» дәп өзгәрткән. Мәзкур мукапат мудирийәт қармиқидики ахбарат органлири мухбирлириниң хизмәт җәрянида намаян қилған җасарити вә кәспий роһини тартуқлаш үчүн берилидиған алаһидә мукапаттур.

Әркин асия радийосиниң муавин президенти парам поннудурай вә уйғур бөлүминиң мудири алим сейтоф бу мукапатни тапшурувелиш мурасимида сөз қилип, америка дуняви медия агентлиқиға миннәтдарлиқ билдүрди вә уйғур бөлүми хадимлириниң хитай һөкүмитиниң бесими һәмдә уруқ-туғқанлирини лагерларға ташлап тәһдит селишиға қаримай хитайниң уйғурларға қаратқан бастуруш сияситини дуняға ашкарилашта көрсәткән зор җасаритигә апирин оқуди.

«Давид бурке ахбарат мукапати» 2001-йилидин буян һәр йили бир қетим тарқитип келимәктә. Бу йил «америка авази», «азадлиқ (әркин явропа) радийоси», кубаға қаритилған «радио марти» «оттура шәрқ медия тори (әл һөр қанили)» шундақла «әркин асия радийоси» қатарлиқ ахбарат органлиридики көзгә көрүнгән шәхс вә бөлүмләр бу мукапатқа еришти.

Бу әркин асия радийоси уйғур бөлүминиң «давид бурке ахбарат мукапати» тәсис қилинғандин буян тунҗи қетим мәзкур даңлиқ мукапатқа еришиши болуп һесаблиниду.

Пикирләр (0)
Share
Толуқ бәт