Erkin asiya radiyosi Uyghur bölümi "Dawid burké mukapati" gha érishti


2019-11-13
Share
Mukapatsuriti.jpg 13-Noyabir kuni erkin asiya radi'osi Uyghur bölimi xadimliri mukapat tapshuruwaldi.
RFA

Erkin asiya radiyosi Uyghur bölümi amérika dunyawi médiya agéntliqining nopuzluq mukapati - "Dawid burké mukapati" gha érishti.

Asiya radiyosi Uyghur bölümi xadimliri 13-noyabir küni amérika dunyawi médiya agéntliqining bash shtabida ötküzülgen murasimda "2019-Yilliq dawid burké axbarat mukapati" ni kolléktip halda sehnige chiqip tapshuruwaldi.

"Dawid burké axbarat mukapati" amérika axbarat mudiriyitining tunji mudiri dawid burké ependimning namida tesis qilin'ghan. Mudiriyet ötken yili öz namini "Amérika dunyawi médiya agéntliqi" dep özgertken. Mezkur mukapat mudiriyet qarmiqidiki axbarat organliri muxbirlirining xizmet jeryanida namayan qilghan jasariti we kespiy rohini tartuqlash üchün bérilidighan alahide mukapattur.

Erkin asiya radiyosining mu'awin prézidénti param ponnuduray we Uyghur bölümining mudiri alim séytof bu mukapatni tapshuruwélish murasimida söz qilip, amérika dunyawi médiya agéntliqigha minnetdarliq bildürdi we Uyghur bölümi xadimlirining xitay hökümitining bésimi hemde uruq-tughqanlirini lagérlargha tashlap tehdit sélishigha qarimay xitayning Uyghurlargha qaratqan basturush siyasitini dunyagha ashkarilashta körsetken zor jasaritige apirin oqudi.

"Dawid burké axbarat mukapati" 2001-yilidin buyan her yili bir qétim tarqitip kélimekte. Bu yil "Amérika awazi", "Azadliq (erkin yawropa) radiyosi", kubagha qaritilghan "Radi'o marti" "Ottura sherq médiya tori (el hör qanili)" shundaqla "Erkin asiya radiyosi" qatarliq axbarat organliridiki közge körün'gen shexs we bölümler bu mukapatqa érishti.

Bu erkin asiya radiyosi Uyghur bölümining "Dawid burké axbarat mukapati" tesis qilin'ghandin buyan tunji qétim mezkur dangliq mukapatqa érishishi bolup hésablinidu.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet