Norwégiyede qurulghan “Uyghur edliye arxip ambiri” öz xizmetlirini rawajlandurmaqta

Norwégiye Uyghur komitétining re'isi bextiyar ömer ependi ziyaritimizni qobul qilip, yéqinda qurulghan “Uyghur edliye arxip ambiri” ning asasliq nishani we xizmet funksiyesi heqqide melumat berdi. Uning bildürüshiche, mezkur organning qurulushi 2017-yilidin buyan norwégiye Uyghur komitéti teripidin ishlinip kéliwatqan “Namsiz Uyghur mehbuslirini tizimlash” xizmitining muntizim xizmet basquchigha kirgenlikidin dérek béridiken.

Bextiyar ependining bildürüshiche, bu organ amérikadiki démokratiyini ilgiri sürüsh fondining testiqlishi bilen qurulghan iken. Bu organ hazirgha qeder xitay da'iriliri teripidin qurulghan atalmish “Terbiyilesh merkezliri” namidiki yighiwélish lagérlirida tutup turuluwatqan, ghayib qiliwétilgen, xitay ölkilirige yötkiwétilgen, siyasiy betnamlar bilen qamaqqa késiwétilgen, hetta hayatidin ayrilghanlardin bolup, 5000 din artuq kishining tizimlikini arxiplashturup bolghan iken. Mezkur programmining tepsilatini muxbirimiz méhriban teyyarlighan söhbet xatirisidin anglighaysiz.