Alahide elchi sem brownbek adwokat nuri türkelni tebriklidi

Amérika tashqi ishlar ministirliqining xelq'ara diniy erkinlik alahide elchisi sem brownbek adwokat nuri türkelning diniy erkinlik komitétigha komissar bolup teyinlen'genlikini tebriklidi.

U, bu heqte yollighan twittér uchurida nuri türkelni tebriklesh bilen birge uning bilen Uyghur kishilik hoquq depsendichilikige a'it mesililerde hemkarliship ishleshke hazir ikenlikini bildürdi. 

U mundaq dédi: “Men uning bilen yéngi ornigha munasip halda xitaydiki Uyghurlar we bashqa diniy guruppilargha qaritilghan depsendichiliklerni öz ichige alghan xelq'ara diniy erkinlik mesililiride hemkarliship ishleshni kütmektimen.”

Amérikidiki Uyghur adwokat, Uyghur kishilik hoquq qurulushi mudiriyitining re'isi nuri türkel ötken hepte amérika kéngesh palata re'isi nensy pélosi xanim teripidin amérika qoshma shtatliri xelq'ara diniy erkinlik komitétigha komissar qilip teyinligen. U shuning bilen mezkur komitétning töt komissarning arisigha qoshulghan tünji Uyghur bolup qalghan idi. 

Xelq'ara diniy erkinlik alahide elchisi sem brownbek Uyghur mesilisige alahide köngül bölidighan we xitayning Uyghurlargha qaratqan basturush siyasetlirini ochuq-ashkara tenqidlep kéliwatqan amérika emeldarlirining biri.