Сабиқ ташқи ишлар министири майк помпейо уйғур паалийәтчиләр билән учрашти

Мухбиримиз әзиз
2021-03-11
Share
Сабиқ ташқи ишлар министири майк помпейо уйғур паалийәтчиләр билән учрашти Йеқинда вашингтон шәһиридики уйғур һәрикити тәшкилатиниң хадимлири америка һөкүмитиниң сабиқ ташқи ишлар министири майк помпейо әпәнди билән учрашти. 2021-Март, вашингтон.
Rushen Abbas teminligen

Хитай һөкүмитиниң бир қоллуқ тәшкиллиши билән уйғур диярида изчил әвҗ еливатқан "һәр саһә кишилириниң майк помпейони әйибләш сиясий һәрикити" җиддий давам қиливатқанда сабиқ ташқи ишлар министири майк помпейо вашингтон шәһиридики "уйғур һәрикити" тәшкилатиниң хадимлирини һәмдә бир қисим уйғур шаһитларни қобул қилди. Мәлум болушичә, бу америка авам палатасиниң рә‍си нәнси пелоси ханим йеқинда уйғур паалийәтчиләр һәмдә бир қисим уйғур вәкилләр билән тор арқилиқ учрашқандин кейинки йәнә бир қетимлиқ муһим болған йүзтуранә учришиш икән. Бу қетимқи учришишқа қатнашқан мәзкур тәшкилатниң рәиси рошән ‍аббас бу һәқтики әһвалларни тонуштурғанда буниң муһаҗирәттики уйғурларни бәкму хурсән қилидиған бир қетимлиқ учришиш болғанлиқини алаһидә тәкитлиди.

Вашингтон шәһиридики

Бу қетимқи учришишта асаслиқ тема уйғурлар дуч келиватқан сиясий бастуруш вә ташқи дуняниң бу паҗиәләрни тохтитиш үчүн тиришчанлиқ көрситиш мәсилиси болди. Бу һәқтә сөз болғанда майк помпйо өзиниң уйғурлар мәсилисини давамлиқ көзитип келиватқанлиқини, шундақла бу җәһәттә давамлиқ қолидин келишичә адаләтни яқлайдиғанлиқини билдүргән. Шундақла өзиниң орниға америка ташқи ишлар министири болған антоний билинкенниң уйғурлар дуч келиватқан паҗиәләрни "ирқий қирғинчилиқ" дәп тонуш мәсилисидә өзи билән охшаш қарашта болғанлиқидин бәкму сөйүнгәнликини билдүргән.

Бу қетимқи иштирак қилған йәнә бир вәкил "уйғур һәрикити" тәшкилатиниң хадими җулий милсап ханимму өзлириниң бу қетимқи учришиштин бәкму һаяҗанға чөмгәнликини алаһидә сөзләп өтти. (Аваз қисқа) болупму уйғур қирғинчилиқини тохтитиш йолида көп хизмәтләрни ишлигән бу зат билән учришиш арқилиқ өзлириниң бир паалийәтчи болуш сүпитидә нөвәттә уйғур җәмийити дуч келиватқан қирғинчилиққа қарши күрәш қилиш ирадисиниң техиму ашқанлиқини иптихарлиқ ичидә тилға алди.

Учришишниң ахирида уйғур вәкилләр муһаҗирәттики уйғур җамаитиниң майкил помпейоға "полат" дәп уйғурчә исим қоюш арқилиқ өзлиирниң униңға болған һөрмитини ипадилигәнликини ейтип бәргәндә у буниңдин бәкму хушал болғанлиқини билдүргән.

Мәлум болушичә, бу хилдики учришишлар америка һөкүмитидики һәр саһәниң уйғурлар мәсилиси һәққидики чүшәнчисини чоңқурлаштурушта тегишлик иҗабий рол ойнайду, дәп қаралмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт