Sabiq tashqi ishlar ministiri mayk pompéyo Uyghur pa'aliyetchiler bilen uchrashti

Muxbirimiz eziz
2021-03-11
Share
Sabiq tashqi ishlar ministiri mayk pompéyo Uyghur pa'aliyetchiler bilen uchrashti Yéqinda washin'gton shehiridiki Uyghur herikiti teshkilatining xadimliri amérika hökümitining sabiq tashqi ishlar ministiri mayk pompéyo ependi bilen uchrashti. 2021-Mart, washin'gton.
Rushen Abbas teminligen

Xitay hökümitining bir qolluq teshkillishi bilen Uyghur diyarida izchil ewj éliwatqan "Her sahe kishilirining mayk pompéyoni eyiblesh siyasiy herikiti" jiddiy dawam qiliwatqanda sabiq tashqi ishlar ministiri mayk pompéyo washin'gton shehiridiki "Uyghur herikiti" teshkilatining xadimlirini hemde bir qisim Uyghur shahitlarni qobul qildi. Melum bolushiche, bu amérika awam palatasining re'‍si nensi pélosi xanim yéqinda Uyghur pa'aliyetchiler hemde bir qisim Uyghur wekiller bilen tor arqiliq uchrashqandin kéyinki yene bir qétimliq muhim bolghan yüzturane uchrishish iken. Bu qétimqi uchrishishqa qatnashqan mezkur teshkilatning re'isi roshen ‍abbas bu heqtiki ehwallarni tonushturghanda buning muhajirettiki Uyghurlarni bekmu xursen qilidighan bir qétimliq uchrishish bolghanliqini alahide tekitlidi.

Washin'gton shehiridiki

Bu qétimqi uchrishishta asasliq téma Uyghurlar duch kéliwatqan siyasiy basturush we tashqi dunyaning bu paji'elerni toxtitish üchün tirishchanliq körsitish mesilisi boldi. Bu heqte söz bolghanda mayk pompyo özining Uyghurlar mesilisini dawamliq közitip kéliwatqanliqini, shundaqla bu jehette dawamliq qolidin kélishiche adaletni yaqlaydighanliqini bildürgen. Shundaqla özining ornigha amérika tashqi ishlar ministiri bolghan antoniy bilinkénning Uyghurlar duch kéliwatqan paji'elerni "Irqiy qirghinchiliq" dep tonush mesiliside özi bilen oxshash qarashta bolghanliqidin bekmu söyün'genlikini bildürgen.

Bu qétimqi ishtirak qilghan yene bir wekil "Uyghur herikiti" teshkilatining xadimi juliy milsap xanimmu özlirining bu qétimqi uchrishishtin bekmu hayajan'gha chömgenlikini alahide sözlep ötti. (Awaz qisqa) bolupmu Uyghur qirghinchiliqini toxtitish yolida köp xizmetlerni ishligen bu zat bilen uchrishish arqiliq özlirining bir pa'aliyetchi bolush süpitide nöwette Uyghur jem'iyiti duch kéliwatqan qirghinchiliqqa qarshi küresh qilish iradisining téximu ashqanliqini iptixarliq ichide tilgha aldi.

Uchrishishning axirida Uyghur wekiller muhajirettiki Uyghur jama'itining maykil pompéyogha "Polat" dep Uyghurche isim qoyush arqiliq özli'irning uninggha bolghan hörmitini ipadiligenlikini éytip bergende u buningdin bekmu xushal bolghanliqini bildürgen.

Melum bolushiche, bu xildiki uchrishishlar amérika hökümitidiki her sahening Uyghurlar mesilisi heqqidiki chüshenchisini chongqurlashturushta tégishlik ijabiy rol oynaydu, dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet