Uyghur qizi elenur turghanowa bokstin dunya chémpiyoni boldi

Almutadin ixtiyariy muxbirimiz oyghan teyyarlidi
2024.11.07
elanur-turghanova-boks-09

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-13

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-12

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-11

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-10

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-08

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-07

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-06

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-05

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-04

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-03

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-02

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

elanur-turghanova-boks-01

Boks boyiche yashlar arisida dunya chémpiyoni atiqigha sazawer bolghan elenur turghanowa. 2024-Yil, noyabir, qazaqistan RFA/Oyghan

Qazaqistan Uyghur ösmürlirining tenheriketning boks, zhyu-zhitsu, yeni biraziliyeche erkin mushtlishish, kik-boksing, yeni put-qoli bilen erkin mushtlishish, karaté, yeni qa'idisiz chélishish, chambashchiliq we mushtlishish, gimnastika hem bashqimu türliri boyiche asiya we dunya musabiqiliride chong netijilerge ériship kéliwatqanliqi melum. Bu heqte qazaqistanning ammiwi axbarat wasitiliridimu yorutulup, Uyghurlarni xushal qilmaqta.

5-Noyabir küni almuta shehirining xelq'ara ayroportida chérnogoriye, yeni qaratagh jumhuriyitining budwé shehiride boks boyiche yashlar arisida ötken dunya musabiqisining chémpiyonliri daghdughiliq qarshi élindi. Shularning arisida almuta wilayiti emgekchiqazaq nahiyesining qoram yézisida 2006-yili tughulghan 18 yashliq Uyghur qizi elenur turghanowamu boldi. Elenurning bu qétim érishken utuqi memliketning bir qatar metbu'atlirida xewer qilindi.

 “Qazaqistan 365” tor gézitide mundaq déyilgen: “Qazaqistanliq bokschi elenur turghanowa chérnogoriye budwédiki yashlarning dunya musabiqiside elge tötinchi altun médalni élip keldi. Axirqi 50 kilogiramghiche bolghan salmaqtiki yekmuyek élishishta turghanowa irélandiyelik karla pik bilen küch siniship, ghelibige érishti. Tekitlesh kérekki, elenur turghanowa almuta wilayitining emgekchiqazaq nahiyeside tughulup, chong bolghan”.

Radiyomiz ziyaritini qobul qilghan qoram ottura mektipining Uyghur tili we edebiyati mu'ellimi gülchehrem sadirowa xanim mundaq dédi: “Men elenurning 5-siniptin bashlap sinip yétekchisi boldum. Elenur kemsözlük, kichik pé'il qiz boldi. Siniptiki ötküzülgen pa'aliyetlerge aktip qatniship yürdi. Boks bilen 7-siniptin bashlap shughulliniwatidu. Aldi bilen nahiyelik, wilayetlik bayqashlargha mektep namidin qatniship, mukapatliq orunlarni élip yürdi. Da'im meshiq qilip yüretti. Men elenurning boksqa qiziqishini körüp, ‛bu, qizlarning ishi emes, qizlargha layiq ishni tutung‚ dep qoyattim. Emma elenur ‛ustaz, men beribir chémpiyon bolimen!‚ dégen meqsiti bilen dunya chémpiyoni boldi. Bu bolsimu u qizning tirishishi tüpeyli emelge ashti. Elenurgha olimpik chémpiyoni bolushigha tilekdash bolup, küch-quwwet we salametlik tileymen.”

Elenurning kichikidin boks bilen shughullinishida hem uning kéyinki waqitlarda yetken utuqlirida bolupmu uning samat axmétof, zakir abduqadirof, hémit toxtaxunofqa oxshash tirénérliri hem ustazliri muhim rol oynighanidi. Shularning biri samat axmétof ependi ziyaritimizni qobul qilip, mundaq dédi: “Elenur 2018-yili boksni bashlidi. 2019-Yili taldiqorghan shehiride wilayet chémpiyoni boldi. Qazaqistan boyiche musabiqige yéshi kichik bolghanliqtin baralmidi. 2020-Yili elenur yene wilayet boyiche chémpiyon boldi. Shu yili u qazaqistan boyiche almutada chémpiyon boldi. Shuning bilen qazaqistanning yash-ösmürler komandisi terkibige kirdi. 2021-Yili sérbiyede bolghan xelq'ara musabiqide mis médalgha érishti. Shu yili yene ereb birleshme xelipilikining eng chong shehiri dubeyde ötken yashlar we ösmürler arisidiki asiya musabiqiside üchinchi orunni igilidi. Shuningdin kéyin elenur qizimizni almutadiki tirénérlargha ewettuq. Shu yaqtin xelq'ara musabiqilerning chémpiyoni boldi. Bultur qazaqistan paytexti astana shehiride boks boyiche ötken asiya musabiqiside birinchi orunni igilep, asiya chémpiyoni boldi. Bu yili bolsa, mana, özünglar yaxshi bilisiler, tünügünla dunya chémpiyoni boldi.”

“Qazaqistan-24” téléwiziye qanilining “Boks boyiche yashlarning dunya musabiqisi ghalibliri almuta ayrodurumida kütüwélindi” namliq körsitishide mundaq dep xewer qilin'ghan: “Qazaqistanning boks boyiche yashlar komandisi almutagha qaytip keldi. Chérnogoriyede ötken yashlar arisidiki dunya musabiqisining netijiliri boyiche élimiz komandisi 17, yeni 6 altun, 1 kümüsh, 10 mis médal aldi. Qazaqistan médal boyiche aldinqi orun'gha chiqti hem özbékistan we rusiyening küchlük riqabetchiliridin uzap ketti. Seherdin bashlap almuta ayrodurumi ademge liq tolghan. Dunya chémpiyoni elenur turghanowani xushalliq köz yashliri bilen uning uruq-tughqanliri qarshi éliwaldi. Axirqi yekmuyek élishishta 50 kilogiramghiche bolghan salmaqta u irélandiyelik riqabetchisi üstidin ghalibiyet qazandi.”

Elenur turghanowa muxbirlarning ziyaritini qobul qilip, mundaq dégen: “Bu éghir sinaq boldi. Ajayip bir sézim. Men intayin xushalmen. Men hemmeylenning qollighanliqi üchün minnetdarliqimni éytimen”.

Elenur turghanowani 5-noyabir küni qoram yézisining yurt-jama'etchilikimu daghdughiliq qarshi aldi. Bu heqte qoram yézisining chong yigit béshi qurbanjan islamof ependi xewer qildi. U radiyomiz ziyaritini qobul qilip, mundaq dédi: “Elenur qizimiz yurtning pexri. Mektepte oquwatqanda boksqa qiziqip, meshiqlendi. Qoram mektipige samat dégen inimiz kélip, meshiqlendüridu. Mektep oqughuchiliri arisida elenur közge chüshüp, kéyin almutagha bérip, bashqa meshiqlendürgüchiler bilen ishlidi. U yerge béripmu chong utuqlargha yetti. 5-Noyabir küni dunya chémpiyoni dégen ataqni élip kélip, qoram yurtini téximu xushalliqqa chömdürdi. Kéyin yéza hakimiyitige kélidu. Yéza bashliqi tursunbay éménbayéf tebriklep, soghilarni tapshurghandin kéyin elenur deslepki meshiqlendürgüchisi samat ikkisi urush qatnashquchilirining béshigha qebrisige gül qoydi. Yurtta dastixanlar sélindi. Hemme yézilardin yigit bashliri, xanim-qizlar aldida mushu yurtning atisi mehemmet qarim elenurning téximu chong utuqlargha yétishige, ömrining téximu yaxshi bolushigha du'a qildi”.

Igilishimizche, elenur turghanowa 2021-yili sérbiyede ötken boks boyiche xelq'ara musabiqige qizlardin qatnashqan birdinbir qazaqistanliq bolghanidi. Uning utuqi qazaqistan boks birleshmisining diqqitide bolup, kéyinki yillarda uninggha bolghan qiziqish bara-bara östi hemde Uyghur jama'etchilikiningmu diqqitini tartqanidi. Emdi elenurning olimpik musabiqilirige qatnishish arzusining bar ikenliki ilgiri sürülmekte. 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.