Қазақистан уйғурлири бу йилқи рамизан ейида хәйр-сахавәтлик ишларни давам қилмақта

Алмутадин ихтиярий мухбиримиз ойған тәйярлиди
2024.03.28
almuta-ramazan-6.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-1.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-2.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-3.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-4.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-5.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

almuta-ramazan-7.jpg

Қазақистанниң яркәнт тәвәсидә елип берилған хәйрхаһлиқ ишлардин көрүнүш. 2024-Йили,, 1-март, алмута. RFA/Oyghan

Қазақистандики уйғурлар бу йил 11-марттин тартип роза тутушқа киришкән иди. Мәлум болушичә, улар һәр йили роза-рамизан ейи башлиниши билән хәйр-сахавәтлик ишларни йүргүзүшни әнәнигә айландурған.

Бу йилму алмута шәһири вә вилайити, шуниңдәк йәттису вилайитидә олтурақлашқан уйғурлар улуғ роза-рамизанниң биринчи күнидин башлапла йетим-йесирләргә, иқтисадий әһвали начар аилиләргә, көп балилиқ аилиләргә, мәҗруһларға вә башқа моһтаҗ аилиләргә маддий ярдәм қилишни давам қилмақта. Хәвәр тепишимизчә, бу ишларни җай-җайлардики уйғур етно-мәдәнийәт мәркәзлири, йигит башлири, ханим-қизлар вә яшлар уюштуруп кәлгән.

Биз бу мунасивәт билән йәттису вилайити панфилоф наһийәлик етно-мәдәнийәт мәркизиниң рәиси азад гайитоф әпәнди билән алақиләштуқ. У радийомиз зияритини қобул қилип, наһийәдә мәдәнийәт мәркизиниң йетәкчиликидә йигит башлири, ханим қизлар вә яшларниң барлиқ йезиларда хәйрхаһлиқ ишлирини җанландурғанлиқини оттуриға қоюп мундақ деди: “яшлар билән чоң йиғин қилдуқ. яшлиримизниң көзидин от йенип туриду. Мушу йеқинда билал назим бағчисиниң ремонтини пүткүл юрт бойичә қолға алайли дәватимиз. Тиҗарәтчилиримиздин йәттису наһийәлик уйғур мәдәнийәт мәркизиниң рәиси, наһийәлик алий кеңәшниң әзаси турғанҗан зайитоф хәйрхаһлиқ ишлардин нери әмәс. У яхши ишларни қолға елип, мәдәнийәт мәркизиниң шәнини көтүрүватиду. Гүлҗаһан муратова анимизниңму яркәнт тәвәсигә қилған хәйрхаһлиқ ишини сөз билән йәткүзүш мумкин әмәс. Һәр йили 300 аилигә йемәк-ичмәк елип келәтти. Бу анимиз аләмдин өтти. Униң ишини қизи диләрәм вә оғуллири давам қилип, бүгүнки таңда 140 аилигә ярдәм қолини созди.”

Азад гайитоф йәнә башқиму көплигән тиҗарәтчиләрниң мушундақ хәйр-сахавәтлик ишларни әмәлгә ашуруватқанлиқини ейтип, пүткүл уйғур хәлқини қазақистанниң омумий тәрәққиятиға өз төһпилирини қошушқа чақирди.

Биз шуниңдәк алмута вилайити талғир наһийәсиниң баш йигит беши өктәбир қурбанниязоф әпәнди билән алақиләштуқ. У мундақ деди: “роза-рамизанда от кетиш паҗиәлири көп болуп кәтти. Шундақла ағриватқан балиларму көп. Шуларға қолимиздин кәлгән ярдәмләрни көрситиватимиз. Йеқинда қизилту 4-йезисида яш бир аилиниң өйигә от кетип, түгәл көйүп кетипту. Алтә балиниң иккиси мәҗруһ. Өй игисиниң беши оператсийә қилинған. Шуниңға уйғур мәдәнийәт мәркизиниң рәиси долқунтай абдухелил билән ярдәм қилдуқ. Шундақла ашибулақ йезисида йәнә бир яш аилиниң өйигә от кетип, униңға ярдәмгә пул йиғиватимиз. Қизил ғәйрәт йезисида ағриватқан бәхтияр дегән инимиз бар. Униңға чәт әлгә баридиғанға мәбләғ керәккән. Униңға йиғиштуруп бәрдуқ.”

Ислам әқидиси бойичә һәр бир мусулман үчүн питир-сәдиқә бериш пәрз болуп, у адәттә кәмбәғәлләргә, йетим-йесирләргә вә башқиларға берилиду. Кейинки вақитларда питир-сәдиқини маарипқа, болупму билим елиш имканийити болмайватқан яшларға, шуниңдәк еғир әһвалда қалған уйғурлар үчүнму сәрп қилиш улуғ пәрзләрниң бири болуп омумлашқан. Бу җәһәттә дуня уйғур қурултийиниң қазақистандики вәкили рәһим мәнсуров бу йил роза ейи башланған биринчи күндила көпчиликкә мураҗиәт қилғанлиқи мәлум.

Рәһим мәнсуров әпәнди бу мәсилә һәққидә зияритимизни қобул қилип мундақ деди: “йеқинда дуня уйғур қурултийиниң рәиси долқун әйса дунядики барлиқ уйғур қериндашларға бу йилқи питир-сәдиқидин ярдәм қилсақ, дегән иди. Бу болсиму, тайланд түрмилиридә йетиватқан нурғун қериндашлиримиз бар. Шулар һазир ачлиқтин қийниливатиду. Бирақ дуня уйғур қурултийи уларни ташлимайду, қолидин кәлгән ярдәмни қиливатиду. Шулар қатарида қазақистанда яшаватқан уйғурлиримиз питир-сәдиқидин шу җайға аз болсиму әвәтсәңлар, дәп ойлаймән. Шу йәрдә 50 кә йеқин қериндишимиз ушшақ балилири билән ачтин-ач ятиду. Бу йил уларға он йил болидикән. Шуларға аз-тола ярдәм бәрсәк, дәп силәрдин үмид қилимән.”

Мәлум болушичә, қазақистанлиқ уйғурлар йиллардин буян мушундақ хәйр-сахавәтлик ишларни давам қилип кәлмәктә. Шуниңдәк уйғур тәшкилатлириниң уюштуруши билән тәбиий апәт йүз бәргән җайларға көп миқдарда маддий ярдәм көрситилгән иди. Җүмлидин өткән йили түркийәдә йәр тәврәш апити болғанда қазақистанлиқ уйғурлар ианә топлаш һәрикити башлап, йиғилған мәбләғни тегишлик орунларға йәткүзгәниди. Қазақистан уйғурлириниң өзлири унчә бай болмисиму көңли-көксиниң аләмчә бай болушидәк бу хислити өз нөвитидә “билсәң әгәр уйғур дегән мушундақ” дегән нахшида тәсвирләнгән баянларниң чинлиқини йәнә бир қетим көрсәтмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.