Бишкәктә балилар үчүн заманиви путбол мәйдани ечилди

Ихтиярий мухбиримиз ферузә
2022.07.21
Share on WhatsApp
Share on WhatsApp
Бишкәктә балилар үчүн заманиви путбол мәйдани ечилди Аламедин-1 мәһәллисиниң турғуниға тәқдирнамә тапшурулмақта. 2022-Йили июл, қирғизистан.
RFA/Féruze

Бишкәк шәһәр кеңишиниң әзаси гүлназ хәлилова аламедин-1 мәһәллисидә балилар үчүн заманиви путбол мәйдани ачти. Ечилиш мурасими 19-июл һөкүмәт хадимлириниң қатнишиши билән тәнтәнилик өткүзүлди.

Бишкәк шәһиридики уйғурлар бирқәдәр көп олтурқлашқан мәһәллилиридин бири аламедин-1 дур. Мәлум болушичә шәһәрниң асаслиқ мәһәллилири 1980-йиллири қурулған болуп, шу 40 йил җәриянида мәһәллиләрниң йол әслиһәлири йеңиланмиған. Әнә шу сәвәбләрдинму гүлназ хәлилованиң қоллап-қуввәтлиши билән ечилған оюн мәйдани, мәһәллә турғунлирини хушал қилди.

Гүлназ хәлилованиң қоллап-қуввәтлиши билән ечилған оюн мәйданиниң ечилиш мурасимидин көрүнүш. 2022-Йили июл, қирғизистан.
Гүлназ хәлилованиң қоллап-қуввәтлиши билән ечилған оюн мәйданиниң ечилиш мурасимидин көрүнүш. 2022-Йили июл, қирғизистан.
RFA/Féruze

Игилинишичә, мәзкур мәһәллә аһалиси өз күчи билән балиларға бир оюн мәйданни ачмақчи болушқан, лекин иқтисад йетишмигәнлиги үчүн шу мәйдан үч йилдин ошуқ хараб болған һалда турғаникән.

Радийо зияритимизни қобул қилған аламедин-1мәһәллисиниң турғуни һүсән туденоф, бир нәччә нәпәр парламент әзасиға мураҗиәт қилған болсиму, пәқәт гүлназ хәлилованиң җаваб қайтуруп, шәхсий контрол астида тутуп шу мәһәллигә путбол оюн мәйданини заманиви өлчәм бойичә йеңилап бәргәнликини тәкитлиди.

Гүлназ хәлилованиң қоллап-қуввәтлиши билән ечилған оюн мәйданиниң ечилиш мурасимидин көрүнүш. 2022-Йили июл, қирғизистан.

Мәзкур путбол оюн мәйданиниң рәсмий ечилиши, мәһәллә аһалилири үчүн йәнә бир байрам болди. Ечилиш мурасимиға бишкәк шәһәрлик башқуруш идарисиниң муавин рәиси мозгачева виктория, бишкәк шәһиридики мәдәнийәт-сәнәт бөлүминиң рәиси парханоф мирлан, бишкәк шәһәр кеңишиниң әзалири, уйғур җәмийитиниң рәиси вә актиплири шундақла көп санда аһалиләр қатнашти. Мурасим уйғур нахша, уссул вә қизиқарлиқ оюнлар билән давам қилди. Мәзкур мурасимға қатнашқан сиясәтшунас абдурәхим һапизоф радийо зияритимизни қобул қилип, қирғизистан уйғурлириниң шу дөләтни раваҗландурушқа зор төһпиләрни қошуп келиватқанлиқини тилға алди һәмдә уйғур мутәхәссислириниңму һөкүмәт тәрәптин юқири баһалинип келиватқанлиқини тәкитләп өтти.

Гүлназ хәлилованиң қоллап-қуввәтлиши билән ечилған оюн мәйданиниң ечилиш мурасимидин көрүнүш. 2022-Йили июл, қирғизистан.

Рәсмий мәлуматларға қариғанда қирғизистанда 60 миң әтрапида уйғур аһалиси яшайду. Улар қирғизистан җумһурийитини раваҗландурушқа зор төһпиләрни қошуп кәлмәктә. Уларниң қатарида юқири дәриҗидики тәқдирнамиләргә еришкән сәнәткар, дохтур, тәнһәрикәтчи вә зиялийлар аз әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.