Yéngisheher nahiyisidin yene 150 neper yash fujyen'ge yolgha sélin'ghan

Qeshqer yéngisheher nahiyisidin yene 150 neper yash fujyen'ge yolgha sélin'ghan. Tengritagh torida bérilgen xewerdin qarighanda, bu yashlar qeshqer yéngisher nahiyilik kespiy téxnika terbiyilesh merkizide ötküzülgen uzutush murasimi bilen ichkirige yolgha sélin'ghan bolup, bu yil kirgendin buyan 4 - türkümdiki yashlarning ichkirige xizmetke ewetilishi iken.
Muxbirimiz irade
2009-05-14
Share

Aldinqi üch türkümde jem'iy 427 neper yash xitay ölkilirige yollan'ghan bolup bular shendung, fujyen qatarliq ölkilerge ewetilgen.

Igilinishiche, Uyghur diyari hökümiti hazir bu xizmetni éshinchi emgek küchlirini sirtqa yötkep déhqanlarning kirimini ashurush dégen nam astida barghanséri kücheytip élip bériwatqan bolup, bultur bu nahiyidin 1500 din artuq yash ichkirige yollan'ghan.

Gerche xitay hökümiti buning déhqanlarning kirimini ashurup ularning nezer da'irisini kéngeytish dep teriplewatqan bolsimu, chet'ellerdiki Uyghur teshkilatliri we yawrupa, amérikidiki kishilik hoquq teshkilatliri buning pilanliq we meqsetlik halda Uyghur qiz - yigitlirini ichkirige yötkesh arqiliq élip bériliwatqan étnik buzghunchiliq ikenlikini ilgiri sürmekte we buni xitayning Uyghurlarni assimiliyatsiye qilip yoqitish siyasitining eng rezil we ochuq ‏ - ashkara bir usuli dep qarimaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet