Дуня уйғур қурултийи баянатчиси «29-май ғулҗа-чөчәк вәқәси» ни унтуп қалмаслиққа чақирди

Бүгүн сәйшәнбә күни, «29-май или-чөчәк вәқәси» ниң 50 йиллиқ хатирә күни. Йәни 1962-йили хитай һөкүмити, райондики сияситигә наразилиқ билдүрүп сабиқ совет иттипақиға чиқип кетишни тәләп қилған или һәм чөчәк районидики уйғурларға қирғинчилиқ елип барған зор мусибәтлик күн.
Мухбиримиз меһрибан
2012-05-29
Елхәт
Пикир
Share
Принт

Дуня уйғур қурултийи баянатчиси дилшат ришит радиомиз арқилиқ баянат берип, уйғурларни 1962-йили хитай даирилири пәйда қилған бу қанлиқ вәқәни унтуп қалмаслиққа чақирди. У мундақ деди:
«29-Май вәқәси шәрқий түркистан җумһурийитидики уйғурларниң хитай коммунист һөкүмитиниң районда йүргүзгән бастуруш сияситигә қарши қозғалған зор көләмлик аммиви наразилиқ һәрикити. Әйни чағда или чөчәк алтай районидин һазирқи оттура асия дөләтлиригә һиҗрәт қилишқа мәҗбур болған, фитсер җәңчилиримиз, әркинликкә тәлпүнгән миңлиған қериндашлиримиз һәм уларниң әвладлири бүгүнки күндә қазақистан, қирғизистан, өзбекистан қатарлиқ дөләтләрдә көчмән болуп яшимақта. Хитай һөкүмитиниң зулумидин қечип, әркинлик үчүн һиҗрәт қилған бу қериндашлиримизни һәм бу вәқәни дуня җамаәтчиликигә билдүрүш толиму муһим әһмийәткә игә.»

Пикирләр (0)
Share
Толуқ бәт