ئۆزبېك مىللىتىدىن بولغان ئافغان پارلامېنت ئەزاسى ھۇجۇمغا ئۇچراپ قازا قىلدى

ئەخمەتخان سەمەنگانى، سابىق مۇجاھىدىن كوماندىرى ۋە ئافغانىستاننىڭ شەرقىدىكى ئۆزبېك گېنېرال ۋە ئافغانىستاندىكى ئەڭ تەسىرلىك سىياسىيونلاردىن بىرى دوستۇمنىڭ رىقابەتچىسى ئىكەن.

ھۇجۇم ئەخمەتخان سەمەنگان ئۆلكىسىدە قىزىنىڭ تويىنى قىلىۋاتقاندا يۈز بەرگەن.

ئافغان پرېزىدېنتى ھامىد كارزائىنىڭ بىلدۈرۈشىچە، ھۇجۇمدا 23 ئادەم قازا قىلغان ۋە ھۆكۈمەت ئەمەلدارلىرىنى ئۆز ئىچىگە ئالغان 60 ئادەم يارىلانغان.

ھالبۇكى، بۇ ھۇجۇمنى قايسى تەرەپنىڭ قوزغىغانلىقى مەلۇم ئەمەس. ھەتتا تالىبان دائىرىلىرىمۇ ھۇجۇمدا ئۆزىنىڭ قولى يوقلۇقىنى بىلدۈرگەن.

ئەخمەتخان سەمەنگانى 1980 - يىللىرى سوۋېت ئىتتىپاقىغا قارشى ئۇرۇشتىكى مۇجاھىد پارتىزانلار ئەترىتىگە كوماندىرلىق قىلغان بولۇپ، ئۇ 2010 - يىلى ئافغانىستان پارلامېنتىغا ئەزا بولۇپ كىرگەن ئىدى.