Sherqiy türkistan aliy kéngishi guruppilar boyiche muzakire élip barmaqta

Kéngeshning peyshenbe künidiki muzakiriliri 7 xil téma boyiche guruppilargha ayrilghan halda élip bériliwatqan bolup, buningda Uyghur siyasiy herikitining kelgüsi nishani, yashlar herikitini küchlendürüsh, chet'ellerge qéchip chiqqan Uyghurlargha yardem bérish méxanizmi ornitish qatarliq bir qatar muhim mesililer yighin wekilliri teripidin muzakire qilin'ghan.

Yighinda 200 din artuq teklipler otturigha chüshken bolup, muxbirimizning xewer qilishiche, yighindiki muzakirilerde yene dunya Uyghur qurultiyigha yandash bir teshkilat qurush, türmige solan'ghan we hayatidin ayrilghan pa'aliyetchilerning a'ile-tawabi'atlirigha yardem bérish qatarliq pikirlermu otturigha qoyulghan bolup, bu pikir yighin qatnashquchiliri arisida qizghin munazire peyda qilghan.

Sherqiy türkistan aliy kéngishi élip bérilghan muzakiriler netijiside kélishim hasil qilip, qarar chiqiridighan bolup, yighinning yépilish küni bolghan jüme küni qararlar élan qilinidu. Aliy kéngesh jüme küni élip bérilidighan yépilish murasimi bilen ayaghlishidu.