Aljiriyidiki görüge élish weqeside ölgenlerning sani dawamliq köpiyishi mumkin

Aljiriyidiki bir tebi'iy gaz esliheside görüge tutulghan kishilerni qutquzush herikitide ölgenlerning sani 80 din éship kétishi mumkin. Shenbe künki xewerde chet'ellik, aljiriyilik we qoralliq esebiylerdin bolup 50 tek kishining ölgenliki élan qilin'ghan idi.
Muxbirimiz erkin
2013.01.21

Biraq birleshme agéntliqining xewer qilishiche, aljiriye amanliq küchliri yekshenbe küni yene 20 nechche kishining jesitini bayqighan. Aljiriye bash ministiri abdélmalik séllal düshenbe küni weqede 8 dölettin 37 neper chet'ellikning ölgenliki, qoralliq esebiylerdin 29 kishining öltürülgenliki, 3 kishining esir élin'ghanliqini bildürgen.

Ötken heptining axirliri el-qa'ide bilen munasiwetlik 32 kishilik bir qoralliq guruh aljiriyining a'in-aménas tebi'iy gaz bazisigha hujum qilip, u yerdiki barliq ishchilarni görüge alghan. Aljiriye amanliq küchliri ötken shenbe küni görüge tutulghanlarni qutquzush herikiti bashlighan idi.

Ölgen chet'elliklerdin bir fransiyilik, bir amérikiliq, ikki ruminiyilik, üch en'gliyilik, sekkiz filippinliq we yette neper yaponiyilikning salahiyiti éniqlan'ghan.

Aljiriye ichki ishlar ministirliqining bildürüshiche, amanliq küchliri 685 neper aljiriyilik, 107 neper chet'ellikni görüdin qutuldurghan. Lékin görüge tutulghan yene bir türküm chet'elliklerning aqiwiti éniq emesliki ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.