ئامېرىكىدا «ئىسلام مەدەنىيىتىنىڭ ئالتۇن دەۋرى» ناملىق كۆرگەزمە داۋاملاشماقتا

ئامېرىكا پايتەختى ۋاشىنگىتوندىكى دۆلەتلىك جۇغراپىيە مۇزىيى، بۇ يىل 8 - ئاينىڭ 1 - كۈنىدىن باشلاپ، «1001 كەشپىيات: ئىسلام مەدەنىيىتىنىڭ ئالتۇن دەۋرى» ناملىق كۆرگەزمە ئاچقان بولۇپ، مەلۇم بولۇشىچە، نۆۋەتتە بۇ كۆرگەزمە ئامېرىكا ئىچى - سىرتىدىكى ساياھەتچىلەرنىڭ كۈچلۈك قىزىقىشىنى قوزغىماقتا.

2012.12.24


مۇزېينىڭ توربېتىدىكى تونۇشتۇرۇشتىن مەلۇم بولۇشىچە، كۆرگەزمىخانىدا 7 - ئەسىردىن 17 - ئەسىرگىچە بولغان ئارىلىقتا، مۇسۇلمانلارنىڭ ئىسپانىيىدىن خىتايغىچە بولغان جۇغراپىيىدە بەرپا قىلغان مەدەنىيەت نەمۇنىلىرى، كەشپىياتلىرى كۆرگەزمە قىلىنغان. كېلەر يىلى 1 - فىۋرالغىچە جەمئىي 6 ئاي داۋام قىلىدىغان بۇ كۆرگەزمە خەلقئارا جامائەتنىڭ ئىسلام مەدەنىيىتىنى تولۇق ۋە توغرا چۈشىنىشى ۋە ئامېرىكىدا تۇغۇلۇپ ئۆسكەن مۇسۇلمان ياش ئۆسمۈرلىرىنىڭ ئۆز مىللىي كىملىكلىرىنى تونۇشىغىمۇ ئىجابىي تەسىر كۆرسىتىدىغانلىقى تەخمىن قىلىنماقتا.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.