Amérikining xitayda turushluq elchixanisi tibet ishliri ishxanisi achmaqchi

Amérika awam palatasi charshenbe küni kech qanun maqullap, amérikining xitayda turushluq elchixanisigha tibet ishliri ishxanisi échish hoquqini berdi. Bu qanun, awam palatasi tashqi ishlar komitéti bashliqi xoward berman teripidin otturigha qoyulghan bolup, qanunda yene köp meblegh ajritip téximu köp amérikiliq oqughuchilarni xitaygha bérip oqushqa righbetlendürüshmu qarar qilindi.
Muxbirimiz irade
2009.06.11

Qararda yene, amérika prizidéntining dölet bixeterlik konsiyige yolyoruq bérip,her qaysi organlar arisidiki hemkarlishishni kücheytip tibet ishliridiki hemkarliq we alaqini küchlendürüsh kérekliki tekitlendi.

Qararnamida yene, amérika lasada konsolxana échishtin burun, amérikining xitayda turushluq elchixanisi tibet ishliri ishxanisigha chingxey, sichu'en, gensu, yünnen we tibet aptonom rayonining siyasiy, iqtisadiy we ijtima'iy tereqqiyat ishlirigha mes'ul bolush hoquqini bérish qarar qilin'ghan.

Qararnamida yene 2002 - yilidiki tibet qarar layihisidiki bezi layihilerge tüzitish kirgüzülgen bolup, amérika tashqi ishlar ministirliqining tibette konsulxana échishni telep qilishi we bu arqiliq tibetke sayahetke baridighan amérikiliq sayahetchilerni mulazimet bilen teminlesh, buning bilen birlikte tibet aptonom rayonining siyasiy, iqtisadiy, ijtima'iy tereqqiyat ehwallirini igilesh qarar qilindi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.