ئامېرىكا دۆلەت مەجلىسى ۋە ھۆكۈمىتىنىڭ خىتاي ئىشلار بىرلەشمە كومىتېتى ئۇيغۇرلار ھەققىدە يىغىن ئۆتكۈزمەكچى

ئامېرىكا دۆلەت مەجلىسى ۋە خىتاي ئىشلار بىرلەشمە كومىتېتى 19 - ئىيۇل كۈنى ئۇيغۇرلار ھەققىدە يۇمۇلاق ئۆستەل يىغىنى چاقىرىدىغانلىقىنى ئېلان قىلدى. مەزكۇر ئورگاننىڭ ئاشكارىلىشىچە، 19 - چىسلادىكى يىغىننىڭ تېمىسى "جۇڭگونىڭ غەربىي 5: - ئىيۇلدىكى نامايىش ۋە توقۇنۇشتىن بىر يىل كېيىنكى شىنجاڭ ۋەزىيىتى" بولۇپ، يىغىندا ئامېرىكىنىڭ سودا، بىخەتەرلىك، مۇداپىئە، تاشقى ئىشلار ۋە كىشىلىك ھوقۇق ساھەسىدىكى تەتقىقاتچى ھەم پائالىيەتچىلەر ئۇيغۇرلارنىڭ نۆۋەتتىكى ۋەزىيىتىنى مۇزاكىرە قىلىدىكەن. خىتاي ئىشلار كومىتېتى مەزكۇر يىغىن توغرىسىدىكى باياناتىدا، يىغىندا سۆز قىلىدىغان مۇتەخەسسىس ۋە پائالىيەتچىلەرنىڭ 5" - ئىيۇل ۋەقەسى" يۈز بېرىپ بىر يىلدىن كېيىنكى "شىنجاڭ"ۋەزىيىتىنى كۆزدىن كەچۈرىدىغانلىقىنى ئىلگىرى سۈرگەن.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
2010.07.16

باياناتتا يەنە، خىتاي ھۆكۈمىتىنىڭ ۋەقەدىن كېيىن شىنجاڭنىڭ ئىقتىسادى شارائىتنى ياخشىلاشقا ۋەدە قىلىپ، رايوننىڭ پارتىيە سېكرىتارىنى ئالماشتۇرغانلىقى تەكىتلەنگەن ھەمدە يىغىننىڭ مۇددىئاسى، يېڭى تەرەققىيات پىلانى شىنجاڭنىڭ كېلەچىكىگە قانداق تۈس بېرىدۇ ؟ ھۆكۈمەت ئۇيغۇرلارنىڭ ئازاپ - ئوقۇبەتلىرىگە ھەقىقىي چارە - تەدبىر تاپامدۇ؟ ھۆكۈمەتنىڭ ئۇچۇر كونترولى بىزنىڭ رايوندىكى ۋەقەلەرنى چۈشىنىشىمىزگە قانداق تەسىر كۆرسەتتى؟ دېگەن مەسىلىلەرگە جاۋاب تېپىش ئىكەنلىكى بىلدۈرۈلگەن.
خىتاي ھۆكۈمىتى 5" - ئىيۇل ۋەقەسى" دە 200 گە يېقىن ئادەم ئۆلگەنلىكىنى ئېلان قىلغان بولسىمۇ، لېكىن خەلقئارا كىشىلىك ھوقۇق تەشكىلاتلىرىنىڭ، مەزكۇر ۋەقەنىڭ ھەقىقىي ئەھۋالى، 5 - چىسلا كېچىسى نېمە ئىشلارنىڭ يۈز بەرگەنلىكى ۋە ئۆلگەن ئادەم سانىغا نىسبەتەن چوڭقۇر گۇمانى بار بولۇپ، ئۇلار خەلقئارا جەمئىيەتنىڭ تەكشۈرۈش ئېلىپ بېرىشىنى تەلەپ قىلماقتا ئىدى.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.