Америка дөләт мәҗлиси вә һөкүмитиниң хитай ишлар бирләшмә комитети уйғурлар һәққидә йиғин өткүзмәкчи

Америка дөләт мәҗлиси вә хитай ишлар бирләшмә комитети 19 - июл күни уйғурлар һәққидә юмулақ өстәл йиғини чақиридиғанлиқини елан қилди. Мәзкур органниң ашкарилишичә, 19 - числадики йиғинниң темиси "җуңгониң ғәрбий 5: - июлдики намайиш вә тоқунуштин бир йил кейинки шинҗаң вәзийити" болуп, йиғинда америкиниң сода, бихәтәрлик, мудапиә, ташқи ишлар вә кишилик һоқуқ саһәсидики тәтқиқатчи һәм паалийәтчиләр уйғурларниң нөвәттики вәзийитини музакирә қилидикән. Хитай ишлар комитети мәзкур йиғин тоғрисидики баянатида, йиғинда сөз қилидиған мутәхәссис вә паалийәтчиләрниң 5" - июл вәқәси" йүз берип бир йилдин кейинки "шинҗаң"вәзийитини көздин кәчүридиғанлиқини илгири сүргән.
Мухбиримиз әркин
2010-07-16
Share

Баянатта йәнә, хитай һөкүмитиниң вәқәдин кейин шинҗаңниң иқтисади шараитни яхшилашқа вәдә қилип, районниң партийә секритарини алмаштурғанлиқи тәкитләнгән һәмдә йиғинниң муддиаси, йеңи тәрәққият пилани шинҗаңниң келәчикигә қандақ түс бериду ? һөкүмәт уйғурларниң азап - оқубәтлиригә һәқиқий чарә - тәдбир тапамду? һөкүмәтниң учур контроли бизниң райондики вәқәләрни чүшинишимизгә қандақ тәсир көрсәтти? дегән мәсилиләргә җаваб тепиш икәнлики билдүрүлгән.
Хитай һөкүмити 5" - июл вәқәси" дә 200 гә йеқин адәм өлгәнликини елан қилған болсиму, лекин хәлқара кишилик һоқуқ тәшкилатлириниң, мәзкур вәқәниң һәқиқий әһвали, 5 - числа кечиси немә ишларниң йүз бәргәнлики вә өлгән адәм саниға нисбәтән чоңқур гумани бар болуп, улар хәлқара җәмийәтниң тәкшүрүш елип беришини тәләп қилмақта иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт