Xitay amérikining herbiy tehdit toghrisidiki tenqidini ret qildi

Xitay terep jüme küni élan qilghan bu heqtiki bayanatida, amérika axbarat doklatidiki xitaygha da'ir agahlandurushni asassiz we mes'uliyetsizlik dep tenqidligen.

Bu heptining bashlirida amérika döletlik axbarat bash nazaretchi ishxanisi amérikining 2009 ‏ - yildiki döletlik axbarat istratégiyisini élan qilip, xitayning herbiy tereqqiyati we dunyaning her qaysi jaylirida teb'iy bayliqlarni esebiylik bilen qolgha keltürüshke urunuwatqanliqi amérikini endishige séliwatqanliqini ilgiri sürgen idi.

Amérika döletlik axbarat bash nazaretchisi dénis blayér bu heqtiki bir nutuqida, amérika urush paraxotliri we tinch okyandiki herbiy baziliri xitayning zamaniwélishish tereqqiyatining tehditige uchrawatqanliqini, xitayning tor dunyasida "nahayiti esebiy" lishiwatqanliqini agahlandurghan idi.

Shinxu'a agéntliqining xewer qilishiche, xitay dölet mudapi'e ministirliqi bayanatchisi xu changming amérikining köz qarishini"asassiz we mes'uliyetsizlik" dep eyiblep, " amérika junggoning mudapi'e siyasitige hörmet qilishi, bu jehettiki xata pikirini özgertishi lazim" dégen.

Amérika xitayni tenqid qilghan waqit xitayning 1‏ - öktebir dölet bayrimida özining herbiy küchini namayen qilishqa hazirliniwatqan mezgili idi.