Америкида хитай җасуслири сотқа тартилмақта

Америка пуқраси хитай җуң дуңфәнниң җасуслуқ делоси 6 ‏ - айниң 2 ‏ - күнидин башлап калифорния шитатиниң санта әна сотида бир тәрәп қилинишқа башлиди. Бу һазир америкида иқтисадий җасуслуқ һәрикәтләргә ширик болғанлар делосидин бир тәрәп қилишқа башлиған тунҗи дело.
Мухбиримиз вәли
2009.06.03

Бирләшмә агентлиқиниң баян қилишичә, адвокат крег стаплесниң әйиблишичә, бойин айропилан ширкитидә айропилан сәплимилириниң чидашлиқ бериш күчини тәтқиқ қиливатқан бу 73 яшлиқ җуң дуңфән, 1970 - йиллирида америка пуқралиқиға қобул қилиниғандин кейинла хитайға җасуслуқ қилишқа башлиған. У раквел ширкитиниң сәзгүр техника һөҗҗәтлиридин 250 миң бәтни оғрилап хитайға йоллап бәргән. Буниң ичидә америка айропиланлириниң йөнүлүш бәлгиләш антина сестимиси, аләм айропилани вә делта 5 бәлгилик ракитаға даир мәхпийәтликләр бар иди.

Америка авазиниң баян қилишичә, җуң дуңфән 2008‏ - йили америка тәкшүрүш идариси тәрипидин иқтисадий җасуслуқ, җасусларға ширик болуш, хитайға агент болуш, америка қанун хадимлириға ялған испатлиқ берип қануний рәсмийәтләргә дәхли қилиш қатарлиқ 8 хил җинайәт билән әйиблинип қолға елинған иди.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.