Amérikida xitay jasusliri sotqa tartilmaqta

Amérika puqrasi xitay jung dungfenning jasusluq délosi 6 ‏ - ayning 2 ‏ - künidin bashlap kaliforniya shitatining santa ena sotida bir terep qilinishqa bashlidi. Bu hazir amérikida iqtisadiy jasusluq heriketlerge shirik bolghanlar délosidin bir terep qilishqa bashlighan tunji délo.
Muxbirimiz weli
2009.06.03

Birleshme agéntliqining bayan qilishiche, adwokat krég staplésning eyiblishiche, boyin ayropilan shirkitide ayropilan seplimilirining chidashliq bérish küchini tetqiq qiliwatqan bu 73 yashliq jung dungfen, 1970 - yillirida amérika puqraliqigha qobul qilinighandin kéyinla xitaygha jasusluq qilishqa bashlighan. U rakwél shirkitining sezgür téxnika höjjetliridin 250 ming betni oghrilap xitaygha yollap bergen. Buning ichide amérika ayropilanlirining yönülüsh belgilesh antina séstimisi, alem ayropilani we délta 5 belgilik rakitagha da'ir mexpiyetlikler bar idi.

Amérika awazining bayan qilishiche, jung dungfen 2008‏ - yili amérika tekshürüsh idarisi teripidin iqtisadiy jasusluq, jasuslargha shirik bolush, xitaygha agént bolush, amérika qanun xadimlirigha yalghan ispatliq bérip qanuniy resmiyetlerge dexli qilish qatarliq 8 xil jinayet bilen eyiblinip qolgha élin'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.