Enjan weqesining 4 yilliq xatire künide özbékistandiki bezi kishilik hoquq pa'aliyetchiliri qolgha élin'ghan
Özbékistan kishilik hoquq pa'aliyetchisi bahadir namazof erkin yawrupa radi'osigha özining öyide nezerbend astigha élin'ghanliqini éytip : men téxi hazirla 5 neper kishining tutulghanliq xewirini anglidim. Men tünügün axshamdin bashlap öyde nezerbentke élindim. Saqchilar méni hemme yerde teqip qiliwatidu. Ular manga tehdit qilip öyümdin héchyerge ayrilmasliqimni, eksiche bolghanda hepiske élinidighanliqimni bildürdi, dégen.
Igilinishiche, bir qisim özbék kishilik hoquq pa'aliyetchiliri oxshimaydighan tutup turush merkezliride hepiske élin'ghan bolup, ular enjan weqesini xatirilesh üchün namayish uyushturmaqchi bolghanda qolgha élin'ghan iken.
Enjan weqesi özbékistanning perghane wadisigha jaylashqan endijan shehiride 23 tijaretchining "ekremiler" namliq bir teshkilatning ezasi dep qarilinip qolgha élinishi bilen bashlan'ghan bolup, 2005 - yili 12 - 13 may künliri buninggha naraziliq bildürmekchi bolghan namayishchi xelq hökümet küchliri teripidin oqqa tutulghan we netijide 700 dek kishining ölümi bilen qanliq basturulghan idi. Weqening qanliq basturulushi gherb ellirining qattiq eyiblishige uchrighan idi.
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- En'giliyediki bir teshkilat en'gliyening Uyghur élidiki wehshilikke chétishliq xitay saqchi organliri bilen bolghan alaqisini pash qildi
