Aqsu da'iriliri bu qishta déhqanlarni bikar qoymidi

Aqsu wilayitining hökümet torida bérilgen xewerlerdin ashkarilinishiche, xitay da'iriliri noyabirdin bashlap wilayet tewelikidiki bingtu'endin bashqa nahiyilerde déhqanlarning qishliq aram waqtidin paydilinip,bir tereptin ulargha idé'ologiye sahesi buyiche üch xil küchlerge qarshi turush terbiyisini kücheytip élip bériwatqan bolsa, bir tereptin déhqanlarni her xil bahanilarda hashargha orunlashturmaqta iken.
Muxbirimiz gülchéhre
2008.11.25

Awat nahiyiside 3250 déhqan 6000 ming géktar kéwezlikke témitip sughurush turubisi yatquzush qurulushi üchün heqsiz emgekke séliniwatqan iken.

Da'iriler hashargha tutulghan bu déhqanlarning mezkür emgek wezipisini qish kirishtin burun tamamlashqa buyrighan. Aqsuda nöwette hawa témpératurisi xéli soghuq bolup, hashargha tutulghan Uyghur déhqanlar peqet ketmen, gürjek qatarliq addi emgek qoralliri bilen ériq kolash, topa toshushqa oxshash éghir emgeklerni qilmaqta.

Xitay da'iriliri ilgiri 2004 - yilining axirghiche Uyghur élide hashani pütünley bikar qilidighanliqini wede qilghan bolsimu, emma Uyghur déhqanlirining insaniy heq ‏ - hoquqlirini éghir depsende qiliwatqan, heqsiz,mejburiy emgek bolghan hasha Uyghur élining jenubida omumyüzlük mewjut bolup turmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.