Jéjyangdin aqsugha 19 xitay oqutquchi ewetildi

Xitayning jéjyang ölkisi Uyghur élining aqsu wilayitide 5000 neper "qosh tilliq" oqutquchi terbiyileydiken.
Muxbirimiz irade
2010.11.18

Xitayning shinxu'a toridin melum bolushiche, Uyghur élide qosh tilliq ma'arip siyasitini qisqa muddet ichide omumlashturush meqsitige yétish üchün, xitay da'iriliri aqsu wilayitige qarashliq 9 nahiyide 5000 mingdin artuq milliy oqutquchini qosh til boyiche terbiyileydiken. Qosh til boyiche terbiyileshke yéshi 35 yashtin töwen bolghan barliq milliy oqutquchilar qatnishidiken.

Xitay da'iriliri qosh tilliq oqutquchilarni terbiyileshni Uyghur élidiki barliq mekteplerni qisqa muddet ichide qosh tillashturup, muqimliqni berpa qilishning kapaliti dep qarawatqan bolup, bu xizmetni eng muhim xizmet qatarida tutup ishlewatqan iken.

Bügün shinxu'a torining xewiridin melum bolushiche yene, xitay da'iriliri jéjyangdin 19 xitay oqutquchini aqsugha milliy oqutquchilarni terbiyleshke ewetken.

Radi'omizgha yéqinda kelgen inkaslardin melum bolushiche, bu xil ehwal Uyghur élining bashqa jayliridimu mewjut bolup, Uyghur oqutquchilar mejburiy xitayche sewiye émtihanigha qatnashturulup, layeqetlik bolalmighanlar xizmettin qisqartilish bilen tehdit qilinidiken, bu xil ehwal Uyghur oqutquchilar arisida qattiq naraziliq peyda qilghan.
 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.