Arman shirkitining bezi dukanlirining kölimining tariyishi Uyghurlarning diqqitini qozghidi

Radi'omizgha inkas qilghan Uyghurlarning bildürüshiche, yéqindin buyan arman shirkitining bir qisim soda dukanlirining kölimi eslidikidin tariyip, dukanda sétiliwatqan yémeklik türlirining aziyishi, arman shirkitining dukanlirida ishlewatqan Uyghurlarning qisqartilishi qatarliq ehwallar ürümchidiki Uyghurlarning diqqitini qozghighan.
Muxbirimiz méhriban
2013.02.05
Share on WhatsApp
Share on WhatsApp

Arman shirkitining shinjang uniwérsitéti rayonidiki soda dukinining eslidiki kölimining 10 din birige toghra kélidighan jayda soda qiliwatqanliqini, dukanning zor kölemdiki qalghan qismida mari pira'on namidiki téz tamaqxanining yémekliri sétiliwatqanliqini inkas qilghan bireylen, yéqindin buyan arman shirkitining ghulja qatarliq jaylardiki bir qisim dukanliriningmu kölimining eslidikidin taraytilip, dukanda ishlewatqan Uyghur xizmetchilerning qisqartilishidek ehwalning Uyghurlar arisida “Arman shirkitining bir qisim pay chekliri xitay sodigerliri teripidin sétiwélin'ghan bolushi mumkin” dégendek türlük qiyaslargha seweb boluwatqanliqini bildürdi.

Arman shirkiti Uyghur karxanichi radil abla teripidin qurulghandin buyan, ela süpetlik musulmanche yémeklikliri bilen xelq'ara bazarlarghimu tonulup tézlikte ronaq tapqan. Shirkette ishlen'gen musulmanche yémeklikler Uyghurlar teripidin maxtilipla qalmastin, ottura asiya we türkiye qatarliq döletlerdiki xéridarlar arisidimu qarshi élishqa érishken idi., xitaydiki ishenchlik yémeklikler qataridin orun alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.