Awstriye prézidénti kim jung ilgha teziye bildürgenlikini ret qildi

Jüme küni, awstriye prézidénti héynuz fishér shimaliy koriye rehbiri kim jung ilning ölümige teziye bildürgenlikini ret qildi.
Muxbirimiz jüme
2011.12.31

Kim jung il ölgendin kéyin, awstriye prézidéntini héynz fishérning kim jung ilgha teziye bildürgenliki awstriye axbaratlirida ilgiri sürülgen.

Prézidént fishér bayanatchisi jüme kündiki bayanatida bu heqtiki xewerning xata ikenlikini otturigha qoydi.

Bayanatchi awstriye prézidénti ishxanisidiki munasiwetlik xadimlarning shimaliy koriyining wénadiki elchixanisini ziyaret qilghanliqi, emma prézidént fishérning shexsen teziye bildürmigenlikini ashkarilidi.

Shimaliy koriye prézidénti kim jung il 17 - dékabir qaza qilghandin kéyin amérika, yaponiye, awstraliye we yene köpligen gherb elliri b d t omumiy kéngishide kim jung ilning wapatigha teziye bildürüshni ret qilghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.