Б д т һәр қайси дөләтләргә сомали деңиз қарақчилириға қуруқлуққа чиқип зәрбә бериш һоқуқи бәрди

Б д т ниң бихәтәрлик кеңишидә бу йил 6 ‏ - айдин буян сомали деңиз қарақчилири мәсилиси буйичә 4 қетим қарар елинип болди
Мухбиримиз вәли
2008-12-17
Share

Төтинчи қетимлиқ қарарда, б д т ниң һәр қайси дөләтләргә деңиз, һава, қуруқлуқ күчлирини ишқа селип, қолидин кәлгәнлики тәдбирләрни қоллинип, қуруқлуққа чиқип, сомали деңиз қарақчилириға зәрбә беришкә һоқуқ бәргәнликини җакарлиди. Бу қарарниң үнүмлүк вақти бир йил.

Б б с ниң баян қилишичә, америка лайиһилигән бу қарарға белгийә, франсийә, гретсийә, либирийә вә җәнубий африқа имза қойған иди. Бүгүн сомали деңиз территорийисидә, көп дөләт қисимлири сомали деңиз қарақчилири тәрипидин гөрүгә еливелинған хитайниң җенху 4 бәлгилик бир белиқчи парахоти вә униңдики 30 адимини қутқузди.

Хитайниң 'йәршари хәвәрлири' гезитиниң баян қилишичә, хитай йеқинда сомалиниң деңиз территорийисигә муһапизәт үчүн һәрбий парахот әвәтишни пиланлиғанлиқи, хитайниң тинч окяндин башқа деңиз тәвәсигиму өзиниң деңиз күчлирини орунлаштуруш арқилиқ сиясий, дипломатийә вә һәрбий иқтидарини намайән қилидиғанлиқидин дерәк бериду.

Хитайниң бу һәрикитини сомали һөкүмити қарши алған вә буни сомалиниң тинчлиқини қоллиғанлиқи дәп рәһмәт ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт