Béyjingda yene erzdarlarni tutqun qilish herikiti élip bérildi

Radi'omiz xitay bölümi igiligen uchurlardin melum bolushiche, düshenbe küni kech sa'et 7 etrapida nechche yüzligen saqchi béyjing féngtey rayoni gungsun kentini qorshiwalghan.
Muxbirimiz méhriban
2012.09.18
Share on WhatsApp
Share on WhatsApp

Melum bolushiche saqchilar öymu-öy axturup saqchilarning qara tizimlikidiki erzdarlarni tutup ularni yéqin etraptiki ju jawén saqchixanisigha élip ketken.

Boshün tor békitidimu tünügün béyjingda yene bir qétimliq erzdarlarni tutush herikiti élip bérilghanliqi xewer qilindi. Xewerdin melum bolushiche béyjingda erzdarlar öy ijare élip olturghan daxing kenti, shöbaw kenti qatarliq birqanche jaydimu tünügün kechte saqchilarning tizimlik boyiche adem tutush weqesi yüz bergen.

Radi'omiz igiligen uchurlardin melum bolushiche bügün seyshenbe küni etigen béyjing döletlik erziyet ishxanisi aldida tizilip turup nöwitini kütüwatqan 300dek erzdardin saqchilar ularning kimlikini körüshni telep qilghan hemde ularning ichidin yene 10 kishini tutup ketken.

Bu yil 5-iyul harpisidin buyan Uyghur élidin erz üchün kelgen Uyghurlar béyjing saqchilirining hemkarlishishi bilen, Uyghur aptonom rayonidiki yerlik da'iriler teripidin béyjinggha ewetilgen saqchi kadirlar teripidin tutqun qilinip, yurtlirigha qayturulghan bolup, radi'omiz Uyghur bölümi ularning ichidiki nurun'gul, ghazi aka qatarliqlarning yurtigha qayturulup kelgendin kéyin qamap qoyulghanliqi heqqide uchur alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.