Béyjingda shenbe küni bir fransiyilik ayal pichaq tiqip yarilanduruldi

Béyjingde bügün (shenbe küni) yene pichaq tiqish weqesi yüz bérip, weqede bir neper fransiyilik ayal sayahetchi yarilandi. Birleshme agéntliqining bayan qilishiche, bügün etigen sa'et 11 lerde, béyjingdiki tyen'enmén meydanigha yéqin jaydiki dasalen dégen meshhur bazarda, saqchilar fransiyilik bir ayal sayahetchini pichaq tiqip yarilandurghan jangshining nenchang shehiridin kelgen 41 yashliq erni qolgha aldi.
Muxbirimiz weli
2009.09.19

Shinxu'a agéntliqi bu weqe toghrisida bergen xewerde, qatilning yaki yarilandurulghan fransiyilik ayalning kimlikini we ehwalini tepsili bayan qilmidi.

Buningdin ikki kün burun (peyshenbe küni), jilin ölkisidin kelgen bir er mushu bazarda küp ademge pichaq tiqip, ikki ademni öltürüp, 14 ademni yarilandurghan idi. Ertisi béyjing saqchi da'iriliri, qatilni peqet 'haraq ichip mes bolup qatilliq qilghan' depla teswirlidi.

Shinxu'a agéntliqimu, bu weqeni xewer qilghanda peqet, yarilan'ghan 14 ademning doxtorxanida dawaliniwatqanliqini, ularning hayati xeter astida emeslikinila gewdilendürgen idi.

B b s ning bayan qilishiche, béyjingde pichaq tiqish weqesi uda yüz bergendin kéyin, béyjing da'iriliri bügündin bashlap chettin kirgüzgen X nuri bilen charlaydighan ilghar saymanlirini ishlitip, béyjingdiki 10 chong baghchida bixeterlik tekshürüshni yolgha qoydi, bezi chong kochilarda uchrighanla ademni tekshürüshke bashlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.