Sabiq prézidént bil klinton pyongyangni ziyaret qildi

Fransiye agéntliqining körsitishiche, kélintonning bu ziyariti ilgiri shimaliy koriyide qolgha élin'ghan ikki neper amérikiliq ayal muxbirning qoyup bérilishi mesilisi üstide shimaliy koriye rehberliri bilen sözlishishni meqset qilghan iken.

B b s ning xewer qilishiche, kim jung'il kilinton bilen söhbetleshkendin kéyin amérkiliq ikki neper muxbirni qoyiwétish buyruqi bergen. Bu yil 3 - ayda shimaliy koriye da'iriliri amérika muxbirliridin lora ling, i'unna ling ni chégridin qanunsiz kirish jinayiti bilen xitay shimaliy koriye chégrisida qolgha alghan hemde ularni 6 ayda 12 yilliq qamaq jazasigha höküm qilghan idi.

Shimaliy koriyining bezi axbaratliri, bil kilintonning shimaliy koriyige qaratqan bu tuyuqsiz ziyaritining, amérika prézidénti barak obamaning orunlashturushi bilen bolghanliqini ilgiri sürgen bolsimu, emma aqsaray bayanatchisi bügün, mezkur qarashni inkar qilip, sabiq prézidént bél kilintonning shimaliy koriye qaratqan ziyaritining pütünley shexsi ziyaret ikenlikini bildürdi.

Bil kilintonning bu ziyariti 1994 - yili shimaliy koriyini ziyaret qilghan amérika sabiq prézidénti kartérdin kéyin ikkinchi bir sabiq prézidéntning shimaliy koriyini ziyaret qilishi bolup hésablinidu.