Uyghur rayonida bölgünchilikke qattiq zerbe bérish tekitlendi

Tengritagh torining xewiridin melum bolushiche, yighinda Uyghur rayonluq partkom intizam tekshürüsh komitétining re'isi fu chyang söz qilghan bolup, u sözide Uyghur rayonidiki her derijilik siyasiy qanun tarmaqlirining bölgünchilik, buzghunchiliq we zorawanliq, térrorluq heriketlirige qet'iy zerbe bérishi kéreklikini tekitligen. U sözide yene diniy radikal idiyilerning singip kirishining qattiq aldini élish heqqidimu toxtalghan.

Xitay da'iriliri 5-iyul ürümchi weqesidin kéyin Uyghur aptonom rayon miqyasida her saheler boyiche yighin chaqirip, Uyghur rayonining muqimliqini saqlashni qattiq tekitlesh bilen birlikte ürümchidiki köchme nopuslarni tarqaqlashturush, köchme nopuslar yighilip olturaqlashqan rayonlarni chéqish-tüzlesh xizmitinimu ching tutup ishlimekte.

Melum bolushiche, bu qétimliq siyasiy-qanun xizmiti yighinidimu köchme nopuslarni bashqurush mesilisi muhim mesililer süpitide tilgha élin'ghan bolup, Uyghur rayonidiki köchme nopuslarni torlashturup bashqurush endizisini turghuzush, olturaqlishish kinishkisini omumlashturush telep qilin'ghan.

Bundin ilgiri radi'omiz igiligen inkaslardin xitay da'iriliri yolgha qoyuwatqan köchme nopuslarni torlashturup bashqurush endizisining ichkiri xitay ölkiliridin Uyghur rayonigha éqip kelgen milyonlarche xitay köchminini bashqurush emes, Uyghur rayonining jenubiy rayonliridin ish izdep ürümchige kelgen Uyghurlargha qaritilghanliqi ilgiri sürülgen idi. Jenubtin kélip ürümchide olturaqlashqan Uyghurlar bolsa 5- iyul weqesining asasliq sewebkarliri süpitide xitay da'irilirining asasliq zerbe nishani bolghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar