Chén gu'angchénggha amérika teripidin panahliq bérilish éhtimalliqi qiyas qilinmaqta

Amérikida pa'aliyet élip bériwatqan, xitaygha yardem bérish jem'iyitining bayan qilishiche, nöwette béyjingdiki amérika elchixanisida panahliq tilep turuwatqan ema kishilik hoquq pa'aliyetchisi chén gu'angchénggha amérika teripidin panahliq bérilish éhtimalliqi qiyas qilinmaqta.
Muxbirimiz shöhret hoshur
2012-04-30
Share

Mezkur jem'iyetning amérika we xitay hökümet organliridiki munasiwet torlirigha asasen ashkarilishiche, nöwette ikki terep diplomatik emeldarliri, chén gu'angchéng mesilisini téz bir terep qilishqa aldirimaqta.

Bundaq bolushi aldimizdiki peyshenbe küni ikki dölet arisidiki iqtisadiy we istratégiyilik hemkarliq yilliq yighini ötküzülmekchi. Yighin kün tertipining buzulmasliqi üchün, chén gu'angchéng mesilisi ongushluq hel bolushi kérek.

Xitaygha yardem bérish jem'iyiti yene chén gu'angchénggha amérika teripidin siyasiy panahliq bérilishi we xitay teripidin chet'elde dawalinish nami astida xitaydin ayrilishigha yol qoyulushi mumkin.

Melum bolushiche, amérika mu'awin tashqi ishlar ministiri kurt kambel, chén gu'angchéng mesilisi heqqide pikir bayan qilishni ret qilghan. Emma, yawropa birliki bügün bu heqte mexsus bayanat élan qilip, xitayni chén gu'angchéng we uning a'ilisi shundaqla uning qollighuchilirining qanuniy hoquq menpe'itini qoghdash üchün derhal tedbir élishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet