Әма өктичи чен гуаңчиң америка дөләт мәҗлисини зиярәт қилди

Һазир америкида туруватқан әма хитай өктичи чен гуаңчиң тунҗи қетим америка дөләт мәҗлисидә зиярәттә болди.
Мухбиримиз ирадә
2012-08-02
Share

У чаршәнбә күни мәҗлистә һәр икки партийиниң әзалири билән учрашқан болуп, уни қобул қилғанлар арисида дөләт мәҗлиси баянатчиси җон бовнер, җумһурийәтчиләр вәкили нәнси плоси ханимлар бар.

Бирләшмә агентлиқиниң ейтишичә, чен гуаңчиң мәҗлистики учришишта, хитайниң һазир муһим бир бурулуш нуқтисида туруватқанлиқини билдүрүп, америка вә башқа демократик әлләрни хитайниң демократийә, әркинлик, кишилик һоқуқ вә дөләтни қанун арқилиқ идарә қилиш басқучиға өтүшигә ярдәм қилишқа чақирған.

У шундақла хитай һөкүмитигиму хитаб қилип, хитай әгәр хәлқараға өзиниң сәмимийликини көрситимән дәйдикән, мениң җийәнимниң давасини хәлқараға очуқ-ашкара һалда сорисун, дегән.

Шәндуңлуқ әма өктичи чен гуаңчиң хитайдики бир пәрзәнт көрүш сияситини тәнқид қилиш билән көзгә көрүнгән. У бу сәвәбтин 2006-йили қолға елинип, 4 йил түрмидә ятқан. Түрмидин чиққандин кейинму бесимдин қутулалмиған чен бу йил 5-айда америкиниң хитайдики әлчиханисиға киривалған. Бир мәһәл қозғалған дипломатийилик җедәлләрдин кейин йәни, 20-май күни чен америкиға оқуш шәрти билән йетип кәлгән иди. Әмма униң аилисиниң бихәтәрликигә капаләтлик қилидиғанлиқи һәққидә вәдә бәргән хитай даирилири чен хитайдин айрилғандин кейин, униң җийәни чен кегүйни қолға алған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт