Хитай даирилири “чен шитоң билән сөһбәтләр” намлиқ китабни нәшрдин тохтитишқа урунған болсиму, мувәппәқ болалмиған

Хитай даирилири “чен шитоң билән сөһбәтләр” намлиқ китабниң хоңкоңда нәшр қилинишини тосушқа урунған болсиму, бирақ мувәппәқ болалмиған.
Мухбиримиз әркин
2012.06.01
Share on WhatsApp
Share on WhatsApp

Чен шитоң тийәнәнмен оқуғучилар һәрикити бастурулған 1989‏-йили бейҗиң шәһириниң партком секретари вә мәркизи комитет сиясийниң бюросиниң әзаси иди. У тйәнәнмен вәқәсиниң бастурулушини актип қоллиған шәхсләрниң бири, дәп қарилип кәлгән. Бирақ у тийәнәнмен вәқәси бастурулуп бир мәзгилдин кейин, хиянәтчилик билән әйиблинип он нәччә йиллиқ қамақ җазасиға һөкүм қилинған.

Бирақ чен шитоң язғучи яв җйәнфу билән өткүзгән сөһбитидә өзиниң хиянәтчилик қилғанлиқини рәт қилип, өзиниң қурбан қилинғанлиқини илгири сүргән. язғучи яв җйәнфу униң билән өткүзгән сөһбитини китаблаштуруп, “чен шитоң билән сөһбәтләр” намида нәшргә тәйярлиған иди.

Бирләшмә агентлиқиниң хәвәр қилишичә, хитай даирилири мәзкур китаб җүмә күни нәшр қилиништин бурун, әсәрниң аптори яв җйәнфу билән көрүшүп, китабни нәшрдин қайтурувелишни, униң барлиқ зиянлирини төләп беридиғанлиқини билдүргән. Бирақ язғучи яв җйәнфу хитай тәрәпниң тәлипини рәт қилған.

Көзәткүчиләрниң илгири сүрүшичә, 267 бәтлик мәзкур китаб “4-июн вәқәси” ниң 23 йиллиқ һарписида вә компартийә рәһбәрлик қатлими алмишиш басқучида туруватқан назук мәзгилдә нәшр қилинип, хитай данилирини биарам қилған.

Язғучи яв җйәнфуниң ашкарилишичә, чен шитоң әйни чағда вәқәниң диалог арқилиқ тинч һәл қилинишида үмид барлиқи, тйәнәнмен қирғинчилиқидин сақланғили болидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.